საქართველოს პრეზიდენტის საპარლამენტო მდივნის ანა დოლიძის განცხადებით, გიორგი ცერცვაძის საკითხთან დაკავშირებით საქართველოს პრეზიდენტის ადმინისტრაციისა და ეროვნული უშიშროების საბჭოს სხვადასხვა დონის მოხელეებს შესაბამის სახელმწიფო უწყებებთან პირდაპირი კავშირი ჰქონდათ.

როგორც დოლიძემ აღნიშნა, პრეზიდენტი ამ საქმის განვითარების ეტაპების შესახებ ინფორმირებულია.

მან ასევე იმედი გამოთქვა, რომ ცერცვაძის, როგორც საქართველოს მოქალაქის უფლებები კონსტიტუციის და კანონმდებლობის შესაბამისად იქნება დაცული.

„შესაძლოა, ის ყოველდღიური მუშაობა, რასაც უშიშროების საბჭო და პრეზიდენტის ადმინისტრაცია ეწევა არ იყოს ის მუშაობა, რომელზეც ჩვენ შეგვიძლია ვისაუბროთ ღიად. საქართველოს პრეზიდენტი, როგორც ქვეყნის მთავარსარდალი პირველივე დღიდან საქმის კურსშია ამ თემასთან დაკავშირებით. როგორც კი ჩაითვლება საჭიროდ, რომ უმაღლესმა მთავარსარდალმა გააკეთოს განცხადება და დააფიქსიროს საკუთარი პოზიცია, გარწმუნებთ, რომ ეს პოზიცია დროულად იქნება გამოხატული", - განაცხადა ანა დოლიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა