ჰერმანი: საქართველო ვიზალიბერალიზაციას იმსახურებს

2016-12-08 11:52:13, 1617 ნახვა

პოლიტიკა კომენტარი

„საქართველო ვიზალიბერალიზაციის მიღებას იმსახურებს“,-ამის შესახებ საქართველოში ევროკავშირის ელჩმა იანოშ ჰერმანმა განაცხადა.

ჰერმანმა იმედი გამოთქვა, რომ ვიზალიბერალიზაციასთან დაკავშირებით საბოლოო გადაწყვეტილება მალე იქნება მიღებული.

„მინდა გავიმეორო ევროპელი პოლიტიკოსების პოზიცია და განცხადება. მათ თქვეს, რომ ყველაფერს გააკეთებენ, რომ ეს პროცესი წინ წაიწიოს. საქართველო ვიზალიბერალიზაციას იმსახურებს. ვიმედოვნებთ, რომ საბოლოო გადაწყვეტილება რაც შეიძლება მალე იქნება მიღებული“, - განაცხადა იანოშ ჰერმანმა.

ცნობისთვის, გუშინ, ევროკავშირის საბჭომ და ევროპარლამენტმა შეჩერების მექანიზმის თაობაზე შეთანხმებას მიაღწიეს.

ევროსაბჭოს მიერ მიღებული გადაწყვეტილების თანახმად, ვიზალიბერალიზაცია ძალაში შეჩერების მექანიზმის ამოქმედების პარალელურად შევა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან