ხოშტარია დეპუტატებს: თქვენ დადეთ ფიცი არა კონსტიტუციის, არამედ ბიძინა ივანიშვილის წინაშე

2016-11-18 16:49:17, 1289 ნახვა

პოლიტიკა კომენტარი

„კარგად იცით თქვენ, რომ ეს არჩევნები არ ყოფილა სამართლიანი, ყველაზე კარგად იცით, თუ როგორ მოისყიდეთ, როგორ დააშინეთ ადამიანები და ასე მოიპოვეთ ეს ხმები“, - ამის შესახებ „ნაციონალური მოძრაობის“ წევრმა ელენე ხოშტარიამ მეცხრე მოწვევის პარლამენტის პირველ სხდომაზე სიტყვით გამოსვლისას განაცხადა.

როგორც ხოშტარიამ აღნიშნა, დღეს ის დემოკრატიას და სამართლიანობას ვერ იზეიმებს.

„კიდევ ერთი რის გამოც მე ვერ აღვნიშნავ ზეიმს ეს არის, ის რომ მე მაქვს განცდა დაფუძნებული ოთხი წლის სამწუხარო გამოცდილებაზე, რომ თქვენ დღეს დადეთ ფიცი არა კონსტიტუციისა და ქვეყნის წინაშე, არამედ არაფორმალური მმართველის ბიძინა ივანიშვილის წინაშე, რომელსაც მუდმივად ოთხი წლის განმავლობაში უმტკიცებდით ერთგულებას. სამწუხაროდ მე მგონია, რომ ასევე გააგრძელებთ მომდევნო ოთხი წლის განმავლობაში“,-განაცხადა ელენე ხოშტარიამ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან