დღეს ამ გაყალბებულ პარლამენტში შესვლა ნიშნავს პირდაპირ „ქართულ ოცნებაში“ შესვლას, - ამის შესახებ „ევროპული საქართველოს“ ერთ-ერთმა ლიდერმა, გიგი უგულავამ დღევანდელ ბრიფინგზე განაცხადა.

მისივე თქმით, „ქართულმა ოცნებამ“ უნდა ჩაატაროს რიგგარეშე არჩევნები, ან მეათე მოწვევის პარლამენტი ჩამოიშლება.

„სრულიად ცალსახაა ერთი რამ, დღეს ამ გაყალბებულ პარლამენტში შესვლა ნიშნავს პირდაპირ „ქართულ ოცნებაში“ შესვლას, ამიტომ, „ევრპული სქართველოს“ გადაწყვეტილებაა სრული ბოიკოტი გამოუცხადოს ამ პარლამენტს, არც ერთი ჩვეთანაგი არ მიიღებს გადმოგდებულ მანდატებს, იმიტომ რომ ეს პარლამენტი არ ასახავს ქართველი ხალხის ნებას.

„ქართულ ოცნებას“ აქვს ორი არჩევანი: პირველი ეს არის პატიოსანი და თავისუფალი რიგგარეშე არჩევნები, სხვა შემთხვევაში საქართველოს მეათე მოწვევის პარლამენტი დაემსგავსება ბიძინა ივანიშვილის „ჯამახერიას“ და ის აუცილებლად მაინც არალეგიტიმურობის, აბსურდულობის გამო მაინც ძალიან მალე ჩამოიშლება. ამიტომ ჯობს „ქართულმა ოცნებამ“ პირველი არჩევანი გააკეთოს და წავიდეთ, ის რაც სჭირდება ქვეყანას, ცვლილებები, ამ არჩევნებზე ეს გამოჩნდა, საოგადოების გულის წადილი, რომ სჭირდებათ ცვლილებები, ან იქნება რიგგარეშე არჩევნები ან ეს „ჯამახერია“ მაინც ჩამოიშლება”, - განაცხადა გიგი უგულავამ.

ცნობისთვის, "ევროპული საქართველო" მეათე მოწვევის პარლამენტში შესვლაზე, მანდატებსა და მეორე ტურში მონაწილეობზე უარს აცხადებს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

დააკავეს არასრულწლოვანი, რომელმაც 32 წლის კაცს დანით მრავლობით ჭრილობები მიაყენა და ადგილიდან მიიმალა

საიტზე გამოქვეყნებული ჯარში გაწვევის უწყება ჩაბარებულად ჩაითვლება - უცხოეთში მყოფი წვევამდელი ვალდებული იქნება დაბრუნდეს

შსს 24-საათიანი პროტესტის უფლებას არ გვაძლევს – დიუშენით დაავადებული ბავშვების მშობლები

ტრამპი ირანს - გახსენით ორმუზის სრუტე, გიჟო ნაძირლებო, თორემ იცხოვრებთ ჯოჯოხეთში