ჯანელიძე: საოკუპაციო ზოლის მიმდებარე ტერიტორიიდან დაკარგული ილია თაყაძე ცხინვალში იმყოფება

2016-10-24 17:25:02, 1098 ნახვა

კომენტარი

საგარეო საქმეთა მინისტრის მიხეილ ჯანელიძის განცხადებით, საოკუპაციო ზოლის მიმდებარე ტერიტორიიდან დაკარგული ილია თაყაძე ცხინვალში იმყოფება.

ჯანელიძეს თქმით, ოჯახი უკვე ინფორმირებულია და მის გასათავისუფლებლად მუშაობა მიმდინარეობს.

”პირველ რიგში უნდა ითქვას, რომ სამწუხაროდ, გატაცებების სერია გრძელდება. ჩვენ შესაბამისი ფორმატები ავამუშავეთ, ამოქმედდა ცხელი ხაზი. უკვე დადგენილია რომ ის იმყოფება ცხინვალში. ოჯახი უკვე ინფორმირებულია და მიმდინარეობს მუშაობა რომ მოხდეს მისი გათავისუფლება," - განუცხადა ჟურნალისტებს მიხეილ ჯანელიძემ.

შეგახსენებთ, რომ ე.წ. საზღვრის უკანონოდ გადაკვეთის ბრალდებით რუსმა სამხედროებმა გორის მუნიციპალიტეტის სოფელ კირბალის მკვიდრი, ილია თაყაძე დღეს დააკავეს.

თაყაძის აყვანა იმ დროს მოხდა, როდესაც იგი ე.წ. საზღვრის სიახლოვეს პირუტყვს მწყემსავდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან