მერკელი რუსეთს აღმოსავლეთ უკრაინაში ძალადობის დეესკალაციისკენ მოუწოდებს

2015-01-26 11:40:15, 939 ნახვა

მსოფლიო

გერმანიის კანცლერმა ანგელა მერკელმა რუსეთის პრეზიდენტ ვლადიმერ პუტინთან სატელეფონო საუბრისას, მარიუპოლში მომხდარ შეტაკებას „მინსკის შეთანხმების აშკარა და გაუმართლებელი დარღვევა“ უწოდა.
„ბი ბი სი“-ს ინფორმაციით, 25 იანვარს ანგელა მერკელსა და ვლადიმერ პუტინს შორის სატელეფონო საუბარი შედგა, რომელსაც რუსეთის პრეზიდენტის პრესსამხახური ადასტურებს.
ანგელა მერკელი რუსეთის პრეზიდენტს, აღმოსავლეთ უკრაინაში მიმდინარე საბრძოლო მოქმედებების და ძალადობის დეესკალაციისკენ მოუწოდებს.
"მნიშვნელოვანია, რუსეთის მხრიდან გადაიდგას ნაბიჯები იმისათვის, რომ აღმოსავლეთ უკრაინაში მიღწეული იქნას კონფლიქტის მშვიდობიანი გზით დარეგულირება და შესრულდეს მინსკის შეთანხმების ყველა პირობა", - ნათქვამია გერმანიის საგარეო საქმეთა სამინისტროს განცხადებაში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან