ახალ ზელანდიაში ტერაქტის შედეგად მსხვერპლთა რაოდენობა 50-მდე გაიზარდა. მათ შორის ყველაზე პატარა 3 წლის მუქაად იბრაჰიმია, რომელიც მამასთან და უფროს ძმასთან აბდისთან ერთად მეჩეთში სალოცავად იყო მისული. 

ახალი ზელანდიის პრემიერ-მინისტრმა მეჩეთებზე თავდასხმაში ბრალდებულის „მანიფესტი“ ტერაქტამდე 9 წუთით ადრე მიიღო. როგორც ჯასინდა არდენი აცხადებს, დოკუმენტში არ იყო მითითებული ბოროტმოქმედის სამიზნეები და თავდასხმის კონკრეტული დრო.

გარდაცვლილებს პატივი მიაგო მსოფლიოში ცნობილმა ახალი ზელანდიის რაგბის ნაკრებმა. მათ ტრაგედიის ადგილზე ჰაკა შეასრულეს. - " სიძულვილს არ აქვს მსოფლიოში და ახალ ზელანდიაში ადგილი" - განაცხადა მორაგბე ვაისაკე ნაჰოლომ.
ახალ ზელანდიაში ტერაქტის მომწყობი 28 წლის ბრენტონ ტარანტი, ულტრანაციონალისტია და თეთრი რასის უპირატესობას ქადაგებდა.   თავდამსხმელის იარაღის ერთ-ერთ მჭიდზე დავით აღმაშენებლისა და დავით სოსლანის სახელები წერია. ქართული წარწერების გარდა, წარწერები სხვადასხვა ენაზე კიდევ რამდენიმე იარაღზეა განთავსებული.
დაკავებამდე თავდამსხმელმა ინტერნეტში გაავრცელა დოკუმენტი, რომელიც ექსპერტებმა ნორვეგიელი ნაციონალისტის ანდერს ბრეივიკის „მანიფესტს“ შეადარეს. ბრეივიკმა 2011 წელს ნორვეგიაში ტერაქტი მოაწყო და 77 ადამიანი მოკლა.

ავტორი: ,

სოციალური ქსელები

გახარიას პარტია ყაველაშვილს მაღაროელების შეწყალებაზე მიმართავს

თბილისში ევროპის საბჭოს ადამიანის უფლებათა დაცვის კომისარი ჩამოვიდა

საქართველოში 15-17 აპრილს შედარებით თბილი და უმეტესად უნალექო ამინდია მოსალოდნელი

საზოგადოებრივი კვების ობიექტებში მომხმარებლისთვის სასმელების პლასტმასის ბოთლით მიწოდების აკრძალვა ძალაში რჩება, რეგულაცია პირველი ივლისიდან ამოქმედდება