ე.წ. კაბელების საქმეზე დაკავებული მაღალჩინოსნები, 5 დეპუტატის პირადი თავდებობის საფუძველზე გათავისუფლდნენ.

ეს დეპუტატები  არიან: შალვა შავგულიძე, ირაკლი ჩიქოვანი, ვიქტორ დოლიძე, ზურაბ აბაშიძე და ნინო გოგუაძე.

სასამართლომ დაადგინა, რომ აღკვეთის ღონისძიების შეცვლისათვის, პარლამენტის 5 წევრის თავდებობა საკმარისია.

მოსამართლემ პროკურატურის შუამდგომლობა დაკავებულებისთვის აღკვეთის ღონისძიების სახით 10 ათას ლარიანი გირაოს შეფარდების თაობაზე, არ დააკმაყოფილა და თავდაცვის სამინისტროს 5 ყოფილი მაღალჩინოსანი გირაოს გარეშე დატოვა.

ხუთივე მათგანი სასამართლო დარბაზიდან გაათავისუფლეს.

შეგახსენებთ, მთავარმა პროკურატურამ შუამდგომლობით მიმართა თბილისის საქალაქო სასამართლოს, რომლითაც განსაკუთრებით დიდი ოდენობით საბიუჯეტო თანხების გაფლანგვის საქმეზე დაკავებული საქართველოს თავდაცვის სამინისტროს ყოფილი თანამდებობის პირების: ნუგზარ კაიშაურის, გიზო ღლონტის, დავით წიფურიას, გიორგი ლობჟანიძის, არჩილ ალავიძის მიმართ გამოყენებული პატიმრობის გაუქმებას და აღკვეთის ღონისძიების სახით არასაპატიმრო აღკვეთის ღონისძიების გირაოს შეფარდებას ითხოვდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის პარლამენტმა „შრომითი მიგრაციის შესახებ" კანონში ცვლილება მიიღო

უცხო ქვეყნის მოქალაქეთათვის საქართველოს ვიზის მიღება გართულდა, პარლამენტმა კანონი მიიღო

ბოჭორიშვილი უარყოფს, რომ მიღებული კანონების გამო პროექტები გაუქმდა ან შეჩერდა

სანქცირებული, პროსახელისუფლებო „იმედის“ იურიდიული სამსახურის უფროსი, კომუნიკაციების კომისიის წევრი გახდა