ამერიკელი მკვლევარი ბენეტ კლიფორდი Twitter-ში ინფორმაციას და ფოტოს აქვეყნებს, რომლის მიხედვითაც ტერორისტული ორგანიზაცია "ისლამური სახელმწიფოს" ქართველი მხარდამჭერები საქართველოში მუსლიმი თემის წარმომადგენლებს პირდაპირ ემუქრებიან. 

ფოტოზე გამოსახულ პირებს შორის არიან საქართველოს მუფთი ბეგლარ ქამაშიძე, ქართველ მუსლიმთა კავშირის ხელმძღვანელი ტარიელ ნაკაიძე, მუსლიმთა სამმართველოს მუფთი ჯემალ პაქსაძე და სრულიად საქართველოს მუსლიმთა სამმართველოს მთავარი მუფთის მოადგილე ადამ შანთაძე. 

როგორც მკვლევარი წერს, ეს არ არის საქართველოში მუსლიმი თემის მიმართ პირველი მუქარი. 

გარდა ამისა, ვრცელდება ინფორმაცია, რომ ISIS სისტემატიურად იყენებს სპეციალურ ქსელ ტელეგრაფს, იმისთვის, რომ მუქარის შემცველი გზავნილები გაავრცელოს. 

ინფორმაციის გასარკვევად "ექსპრესნიუსი" სახელმწიფო უსაფრთხოების სამსახურს დაუკავშირდა. როგორც უწყებაში აცხადებენ, გამოძიება მსგავს ფაქტებთან დაკავშირებით მიმდინარეობს.

"გამოძიებაში აღნიშნული ფაქტიც არის გაერთიანებული. შესაბამისი საგამოძიებო მოქმედებები ჩატარდება", - აცხადებენ უწყებაში. 

ექსპერტების შეფასებით, საქართველი "ისლამური სახელმწიფოს" პირდაპირი სამიზნე არ არის, თუმცა შესაბამისმა სტრუქტურებმა ამ მიმართულებით მუშაობა არ უნდა შეწყვიტონ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აღდგომის დღეს მცხეთაში 53 წლის კაცი მოკლეს

კობახიძე მადიაროს გამარჯვებას ულოცავს, ორბანს მადლობას უხდის

უკრაინამ უნგრეთში მოგზაურობის შესახებ გაფრთხილება გააუქმა

ანი წითლიძე - ივანიშვილის რუსული რეჟიმი ბევრად უფრო დაუნდობელია, ვიდრე ორბანის.