უკრაინის პრეზიდენტმა ვოლოდიმირ ზელენსკიმ გააკრიტიკა უკრაინის შესახებ აშშ-ის ოფიციალური პირების ზოგიერთი განცხადება, რომელიც მისი შეფასებით, მიმართულია პუტინის საამებლად.

გერმანულ ტელეკომპანია ARD-სთან ინტერვიუში პრეზიდენტმა ზელენსკიმ განაცხადა, რომ აშშ-ის თავდაცვის მინისტრი პიტ ჰეგსეთი, რომელიც უკრაინის მიერ თავისი ტერიტორიების დაბრუნებას არარეალურად მიიჩნევს, დეტალებს უნდა ჩაუღრმავდეს და ამისთვის დრო სჭირდება.

ვოლოდიმირ ზელენსკიმ ისევ გაიმეორა, რომ უკრაინა საკუთარ ტერიტორიებზე უარს არასდროს იტყვის.

უკრაინის პრეზიდენტის თქმით, პრობლემა ის არის, რომ რასაც დღეს აშშ ლაპარაკობს, ძალიან სიამოვნებს პუტინს. ზელენსკის შეფასებით, ვაშინგტონი ცდილობს პუტინს ასიამოვნოს, რათა შეხვედრა შედგეს და წარმატებას სწრაფად მიაღწიოს, მაგრამ მხოლოდ ცეცხლის შეწყვეტა წარმატება ვერ იქნება.

უკრაინა უსაფრთხოების ძლიერ და საიმედო გარანტიებს მოითხოვს. იგივეს მოითხოვს ევროპის არაერთი სახელმწიფოც.

ავტორი: ექსპრესნიუსი,

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა