უკრაინის პრეზიდენტის, ვოლოდიმირ ზელენსკის განცხადებით, შეერთებულ შტატებთან მინერალური რესურსების შესახებ შეთანხმება ნატო-ს საკითხს არ მოიცავს და არც არასდროს მოიცავდა, - ამის შესახებ ზელენსკიმ გერმანიის საგარეო საქმეთა მინისტრთან, ანალენა ბერბოკთან ერთობლივ პრესკონფერენციაზე განაცხადა.

„რაც შეეხება ამ შეთანხმებას და ნატო-ს საკითხს, ნატო-ს საკითხი არ არის და არც ყოფილა ამ შეთანხმებაში“, - აღნიშნა ზელენსკიმ.

მისი თქმით, შეთანხმების ახალ პროექტზე ორივე მხარის იურისტები მუშაობენ.

შეგახსენებთ, მანამდე, აშშ-ის პრეზიდენტმა დონალდ ტრამპმა უკრაინის პრეზიდენტი მინერალების შესახებ შეთანხმებიდან „უკან დახევაში“ დაადანაშაულა და განაცხადა, რომ ვოლოდიმირ ზელენსკის დიდი პრობლემები შეექმნება, თუ შეთანხმებას ხელს არ მოაწერს. „ვხედავ, რომ ცდილობს უკან დაიხიოს იშვიათი მინერალების შესახებ შეთანხმებიდან. თუ ამას გააკეთებს, პრობლემები ექნება - დიდი, დიდი პრობლემები. მას სურს იყოს ნატო-ს წევრი. ვერასდროს გახდება ნატო-ს წევრი. მას ეს ესმის. ასე რომ, თუ შეთანხმებაზე ხელახლა მოლაპარაკებას აპირებს, დიდი პრობლემები ექნება“, - აღნიშნა ტრამპმა.

ავტორი: ექსპრესნიუსი,

სოციალური ქსელები

15 აპრილიდან მდინარე დიღმურას ხიდზე საავტომობილო მოძრაობა 5 თვით სრულად შეიზღუდება

პაშინიანის ავტოკოლონის თანმხლები ავტობუსი ავარიაში მოყვა

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა