თამარ გაბუნია – თეორიულადაც კი არ არსებობს ალბათობა, რომ პირის ვაქცინაცია ძალდატანებით მოხდეს

2021-10-20 11:34:58, 2768 ნახვა

კომენტარი

თეორიულადაც კი არ არსებობს იმის ალბათობა რომ, ძალდატანებით შეიძლება მოხდეს რომელიმე პირის ვაქცინაცია, – ამის შესახებ ჯანდაცვის მინისტრის მოადგილემ, თამარ გაბუნიამ საკოორდინაციო საბჭოს დასრულების შემდეგ, ბრიფინგზე განაცხადა.

მისივე თქმით, ინფექციის შესაჩერებლად ერთადერთი გზა შესაძლოა იყოს რეგულაციების დაწესება ეპიდუსაფრთხოებასთან მიმართებაში.

"მე ჩემი ერთი აზრი შემიძლია მოგახსენოთ, სავალდებულო არ არის ლეგიტიმური ტერმინი და ეთიკურად გამართული. ერთადერთი გზა შეიძლება იყოს რეგულაციების დაწესება ეპიდუსაფრთხოებასთან მიმართებაში, როდესაც პირს აქვს შესაძლებლობა ან აიცრას, ან წარმოადგინოს პისიარ ტესტის პასუხი. ვალდებულება მეტად ნიშნავს, ვალდებულებას სახელმწიფოს მხრიდან, უზრუნველყოს ვაქცინაციის პროცესი, მაგრამ ის რომ ძალდატანებით მოხდეს რომელიმე პირის ვაქცინაცია, თეორიულადაც კი არ არსებობს ამის ალბათობა", – განაცხადა გაბუნიამ.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,