მამა ილიას ცხედრის იდენტიფიცირება მრევლმა ფოტოს მეშვეობით მოახდინა

2014-12-31 01:17:12, 976 ნახვა

საზოგადოება

საგარეო საქმეთა სამინისტროში დავით აღმაშენებლის სახელობის მამათა მონასტრის წინამძღვარის მამა ილიას გარდაცვალების შესახებ ინფორმაცია დაახლოებით, ერთი საათის წინ მიიღეს.

"დაახლოებით, ორი საათის წინ ჩვენი საკონსულოსგან მივიღეთ ინფორმაცია, რომ ადრიატიკის ზღვაში ნაპოვნი ცხედარი ერთ-ერთ სამხედრო გემზე გადაასვენეს. მრევლმა გარდაცვლილი მამაოს იდენტიფიცირება ფოტოსურათის მეშვეობით შეძლო. გემი ქალაქ ბრენდიზის პორტში დაახლოებით ერთ საათში იქნება და თუ დადასტურდა ეს ინფორმაცია, სახელმწიფო მაქსიმალურად ეცდება, რომ გადმოსვენებისთვის საჭირო პროცედურები სწრაფად და მარტივად განახორციელოს",-განაცხადა საკონსულო დეპარტამენტის დირექტორმა გიორგი ტაბატაძემ.

ტაბატაძის ინფორმაციით, დაახლოებით ორი საათის წინ საქართველოს საელჩოსგან მიიღეს ინფორმაცია, რომ ადრიატიკის ზღვაში იპოვეს ცხედარი, რომელიც ერთ-ერთ სამხედრო გემზე აიყვანეს. აღნიშნული გემიდან ფოტოსურათი გადმოაგზავნეს. ფოტოს მეშვეობით მრევლმა გარდაცვლილი სასულიერო პირის იდენტიფიცირება მოახდინა.

მისივე თქმით, ტრაგედიისას ბორანზე მყოფი სხვა ქართველების მდგომარეობა დამაკმაყოფილებელია.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან