საქართველოს პრეზიდენტი გიორგი მარგველაშვილი იმედოვნებს, რომ შარშანდელი შემთხვევა, როდესაც მთავრობამ პარლამენტში პრეზიდენტის მოხსენებაზე დასწრება ვერ მოახერხა, წელს არ გამეორდება.

როგორც მარგველაშვილმა თემის კომენტირებისას ჟურნალისტებს განუცხადა, მოხსენებაზე მთავრობის არ დასწრებამ, საქართველოს საერთაშორისო და შიდა იმიჯს სიკეთე არ მოუტანა.

პრეზიდენტი იმედოვნებს, რომ მთავრობა წელს გამონახავს დროს და მოხსენებას დაესწრება.

„იმედი მაქვს, შარშანდელი შემთხვევა, როდესაც მთავრობამ ვერ მოახერხა დასწრებოდა პრეზიდენტის მოხსენებას, წელს არ განმეორდება, იმიტომ, რომ ამან, არავითარი კარგი, არავითარი სიკეთე არ მოუტანა არც ჩვენ სახელმწიფოს და არც ჩვენ საერთაშორისო და შიდა იმიჯს. იმედი მაქვს, რომ მთავრობა მოახერხებს და გამონახავს დროს მოხსენებაზე დასწრების თავლსაზრისით, მიუხედავად იმისა, რომ პარლამენტი ქუთაისშია“, - განაცხადა გიორგი მარგველაშვილმა.

რაც შეეხება პარლამენტში მისი გამოსვლის ფორმატს, მარგველაშვილი განმარტებით, ფორმატი საკანონმდებლო ორგანოს გადასაწყვეტია, თუმცა თავად მზადაა, დეპუტატებთან ერთად, ქვეყნისთვის მნიშვნელოვანი საკითხები, ნებისმიერ ფორმატში განიხილოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოღალატევ, რუსების მონა - სააკაშვილი სასამართლო სხდომაზე ყოფილ პრემიერ ნოღაიდელს დაუპირისპირდა

აფგან სადიგოვი, აზერბაიჯანის პოლიციამ დააკავა

სააკაშვილი რაფალიანცის და ეროსი კიწმარიშვილის მკვლელობას ივანიშვილს უკავშირებს

სადიგოვის აზერბაიჯანში გაძევება არის ადამიანის უფლებათა ევროპული კონვენციის დარღვევა - საია