ფორმულამ რუსეთის საგარეო დაზვერვის სამსახურის მიერ გავრცელებული განცხადების შემდეგ საქართველოს საპატრიარქოს საზოგადოებასთან ურთიერთობის სამსახურის უფროსს, დეკანოზ ანდრია ჯაღმაიძეს განმარტებისთვის კითხვით მიმართა.

დეკანოზი ანდრია ჯაღმაიძე ამბობს, რომ "მსგავსი ჩარევა სხვა ადგილობრივი ეკლესიის მხრიდან, რომელიც არ უნდა იყოს, წარმოუდგენელია".

პასუხი სრულად:

"მსგავსი ჩარევა სხვა ადგილობრივი ეკლესიის მხრიდან, რომელიც არ უნდა იყოს, ჩვენთვის წარმოუდგენელია და მიგვაჩნია ეს სრულიად შეუძლებლად.

უცნობია ამ გავრცელებული ინფორმაციის საფუძველი", - ამბობს ის.

***

რუსეთის საგარეო დაზვერვის სამსახური საქართველოს კათოლიკოს-პატრიარქის არჩევასთან დაკავშირებით განცხადებას ავრცელებს და მსოფლიო პატრიარქ ბართლომეოსს საქართველოს მართლმადიდებელი ეკლესიის შიდა საქმეებში ჩარევაში ადანაშაულებს.

რუსეთის დაზვერვა ამტკიცებს, რომ ბართლომეოსს სურს ისარგებლოს ილია მეორის გარდაცვალებით და "თავის გავლენას დაუმორჩილოს საქართველოს მართლმადიდებელი ეკლესია".

დაზვერვა ირწმუნება, რომ ბართლომეოსი საქართველოს კათოლიკოს-პატრიარქის კანდიდატებად განიხილავს - "დასავლეთ ევროპის მიტროპოლიტ აბრაამს (გარმელია) და ფოთისა და ხობის მიტროპოლიტ გრიგოლს (ბერბიჭაშვილი).

ავტორი: ექსპრესნიუსი,

სოციალური ქსელები

სადიგოვის აზერბაიჯანში გაძევება არის ადამიანის უფლებათა ევროპული კონვენციის დარღვევა - საია

პროდუქტების ჩამონათვალი რომელიც პატიმრების ახლობლებს შეუძლიათ ციხეებში სააღდგომოდ შეიტანონ

Global Finance-მა საქართველოს ბანკი საუკეთესო ბანკად დაასახელა საქართველოში

დააკავეს არასრულწლოვანი, რომელმაც 32 წლის კაცს დანით მრავლობით ჭრილობები მიაყენა და ადგილიდან მიიმალა