აჭარის ავტონომიური რესპუბლიკის ტურიზმისა და კურორტების დეპარტამენტი რეგიონის პოპულარიზაციისა და სარეკლამო მომსახურებისთვის 7.6 მლნ ლარის გამარტივებულ შესყიდვას აცხადებს. აღნიშნული შესყიდვის ფარგლებში გათვალისწინებულია სარეკლამო აქტივობები, რომლებიც აჭარის ტურისტული პოტენციალის პოპულარიზაციას გულისხმობს საერთაშორისო და სამიზნე ქვეყნებში.

„ჩვენი მიზანი არის რეგიონში სერვისის ხარისხის ამაღლება და ახალი ტურისტული მიმართულებების განვითარება. ამ პროექტის ფარგლებში, აჭარის ტურიზმისა და კურორტების დეპარტამენტი აქტიურად მუშაობს საერთაშორისო დონეზე რეგიონალური შესაძლებლობების წარმოჩენაზე და შიდა ტურიზმის სტიმულირებაზე,“ – ნათქვამია სატენდერო დოკუმენტაციაში.

შესყიდვის ფარგლებში გათვალისწინებულია მრავალი ღონისძიების ორგანიზება, მათ შორის, რეგიონში ტურიზმის პოპულარიზაციის მიზნით საინფორმაციო მასალების, ფოტომომსახურების და სარეკლამო ვიდეო რგოლების შექმნა. ასევე, შეიმუშავდება სპეციალური სახელმძღვანელოები და გაიდები, რომლებიც სერვისის ხარისხის გაუმჯობესების მიზნით დაეხმარება ტურიზმის სფეროში მომუშავე პირებს.

პროექტის ბიუჯეტი განაწილებულია შემდეგნაირად:

•    სარეკლამო აქტივობები – 3 500 000 ლარი

•   ტურიზმის სტიმულირება და პრეზენტაციები – 1 770 000 ლარი

•   ღონისძიებების, მასტერკლასების და ექსპედიციების ორგანიზება – 450 000 ლარი

•   საინფორმაციო ბროშურებისა და სხვა მასალების მომზადება-ბეჭდვა – 150 000 ლარი

•   ტურიზმის ინდუსტრიაში წლის საუკეთესო სერვისების დაჯილდოება – 200 000 ლარი

•   ფოტომომსახურებები – 300 000 ლარი

•   სტატისტიკური კვლევები და საერთაშორისო დაჯავშნების პლატფორმაზე მონაცემთა შეგროვება – 60 000 ლარი

აღნიშნული ღონისძიებები დაგეგმილია მიმდინარე წლის განმავლობაში, იანვრიდან 31 დეკემბრის ჩათვლით.

ავტორი: ექსპრესნიუსი,

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა