ქართული ოცნების პრეზიდენტმა მიხეილ ყაველაშვილმა სლოვაკეთში ვიზიტისას კომენტარი გააკეთა და კვლავ ევროპა დაადანაშაულა.

"სლოვაკეთის პრეზიდენტთან საუბარი ევროკავშირთან დამოკიდებულებასთან დაკავშირებითაც მქონდა [...] ევროკავშირი რომ შეიქმნა, ეს იყო სამშვიდობო იდეა, დაფუძნებული ეკონომიკურ განვითარებაზე, თანასწორობაზე, სამართლიანობასა და ურთიერთპატივისცემაზე. ამ ეტაპზე კი, ჩვენდა სამწუხაროდ, ევროპული ბიუროკრატია ჩვენთან მიმართებაში შეცდომებს ხშირად უშვებს. საქართველო ამ ღირებულებების ერთგულია.

ჩვენთვის სამაგალითოა სლოვაკეთი, რომელიც ამ პრინციპებს იცავს და ჩვენი ხალხი ევროკავშირში სლოვაკეთის პოზიციონირებას იმედიანად შესქცერის, რადგან ჩვენ დიდი სურვილი გვაქვს, ევროკავშირის წევრი გავხდეთ, თუმცა დაცული უნდა იყოს ჩვენი ეროვნული ინტერესები, სუვერენიტეტი და სამართლიანობის პრინციპი. ჩვენ მოლაპარაკება არ შეგვიჩერებია, ყოველთვის მზად ვართ. ახლაც აღვნიშნავთ, რომ სამართლიანი და კონსტრუქციული მოლაპარაკებისთვის ყოველთვის მზად ვართ. მაგრამ, ამ პროცესს მეორე მხარე სჭირდება. სამწუხაროდ, ამ ეტაპზე, ბრიუსელის ბიუროკრატია განსხვავებულად იქცევა. თუმცა, იმედს გვაძლევს ის ქვეყნები, მცირე ჩამონათვალია, რომელსაც ეს პრინციპები გააჩნია და მათი მხრიდან საქართველოს მხარდაჭერა მუდმივად აქვს - სლოვაკეთი სწორედ ერთ-ერთი მათგანია", - თქვა ყაველაშვილმა.

ავტორი: ექსპრესნიუსი,

სოციალური ქსელები

საქართველოს ბანკის პარტნიორმა კომპანია აგროტექნომ ქართულ ბაზარზე ახალი ბრენდი - Weitai შემოიყვანა

ცოფის შემთხვევის დაფიქსირების გამო, წალკაში კარანტინი გამოცხადდა

ბაზისბანკის მხარდაჭერით ფულის გლობალური კვირეულისადმი მიძღვნილი ნახატების კონკურსი "ჩემი რეგიონი - ჩემი ბანკნოტი" დასრულდა

RECSOL-მა Altaris-ის „საუკეთესო მწვანე ინიციატივის“ ჯილდო მიიღო - „თეგეტა ჰოლდინგის“ მხარდაჭერით საქართველოში საბურავების გადამმუშავებელი საწარმო შენდება