მაშველებმა  ინდონეზიაში  AirAsia-ს გაუჩინარებული ლაინერის კუდი იავას ზღვაში იპოვეს.
ამის შესახებ ინფომაციას „ბი ბი სი“ ავრცელებს.
„შავი ყუთი“, რომელიც ლაინერის ჩამოვარდნის მიზეზების შესახებ ინფორმაციას შეიცავს, სწორედ ლაინერის კუდშია მოთავსებული.
ასევე ცნობილი გახდა, რომ ლაინერის ჩამოვარდნის დღეს ავიაკომპანია AirAsia-ს სურაბაი-სინგაპურის მიმართულებით  ინდონეზიის ხელისუფლებისგან  ოფიციალური ფრენის უფლება არ ჰქონდა.
ინდონეზიის მთავრობამ ამის შესახებ კომენტარი უკვე გააკეთა.
მათი განცხადებით, აღნიშნული საკითხის შესწავლა, თუ რატომ გაფრინდა ლაინერი ლიცენზიის გარეშე, აუცილებლად მოხდება და გამოძიების დასრულების შემდეგ  ყველა დამნაშავე აუცილებლად დაისჯება.
აქვე, ავიაკომპანია AirAsia-ს ხელმძღვანელობამ ბრალდების საპასუხოთ განცხადება გაავრცელა, რომლის მიხედვითაც ყოველდღიური ფრენები სურაბაი-სინგაპურის მიმართულებით ოფიციალური ნებართვით ხორციელდა.
„სურაბაი-სინგაპურის მიმართულებით ფრენის ოფიციალური ნებართვა ჩვენ, როგორც ინდონეზიისგან, ისე სინგაპურისგან გვაქვს და ინფორმაცია იმის შესახებ, რომ ფრენის განრიგი არასწორად იყო შედგენილი, ეს ადმინისტრაციული შეცდომაა და მეტი არაფერი“,-ნათქვამია ავიაკომპანიის განცხადებაში.
 შეგახსენებთ, რომ ინდონეზიის ქალაქ სურაბაიდან სინგაპურის მიმართულებით მფრინავი AirAsia-ს თვითმფრინავი 28 დეკემბერს გაუჩინარდა, რომელზეც 162 ადამიანი იმყოფებოდა, მათგან 137 ზრდასრული, 17 მცირე წლოვანი ბავშვი, ერთი ჩვილი და ეკიპაჟის 7 წევრი იმყოფებოდა.

რეისი Airbus 320-200 ტიპის თვითმფრინავით სრულდებოდა. AirAsia-ს ბორტმა, ჯაკარტას საჰაერო სივრცის საკონტროლო პუნქტთან კავშირი, ადგილობრივი დროით, დილის 6 საათსა და 17 წუთზე დაკარგა.
გაუჩინარებული ლაინერის ნაწილები მაშველებმა 30 დეკემბერს აღმოაჩინეს.  ბოლო მონაცემებით  40 ადამიანის ცხედარია ნაპოვნი, ხოლო  სამაშველოს სამუშაოები ამ დრომდე გრძელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბაზისბანკის მხარდაჭერით ფულის გლობალური კვირეულისადმი მიძღვნილი ნახატების კონკურსი "ჩემი რეგიონი - ჩემი ბანკნოტი" დასრულდა

RECSOL-მა Altaris-ის „საუკეთესო მწვანე ინიციატივის“ ჯილდო მიიღო - „თეგეტა ჰოლდინგის“ მხარდაჭერით საქართველოში საბურავების გადამმუშავებელი საწარმო შენდება

ერთი პირი სტუმრად ყოფნისას შეუძლოდ გახდა და გარდაიცვალა, ორმა მამაკაცმა ცხედარი ტყეში დამალეს და მიიმალნენ

აქედან არ გავალთ,- ოჯახები, რომლებსაც საკუთრებას ჩამოართმევენ