ეუთოს საპარლამენტო ასამბლეის პრეზიდენტ პერე ხუან პონსო სამპიეტროს საქართველოს ხელისუფლებამ არ მისცა ნებართვა, ენახა მომიტინგეები და გაზეთ „ბათუმელების“ დამფუძნებელი მზია ამაღლობელი ციხეში.

„მინდა ვთქვა, რომ ჩვენ ვთხოვეთ ნებართვა ციხეში პატიმრების, განსაკუთრებით სახაროვის პრემიის ლაურეატის [მზია ამაღლობელის] მოსანახულებლად.

ჩვენ ეს პრემიერ-მინისტრს, პრეზიდენტს, შინაგან საქმეთა მინისტრს და პარლამენტის თავმჯდომარეს გავუზიარეთ. მათ კი უპასუხეს: „არა“.

ჩვენ ვეთანხმებით, რომ მთავრობას აქვს უარის თქმის უფლება, მაგრამ ვთხოვეთ, რომ ეს საკითხი განიხილონ.

ჩვენ გვჯერა, რომ თუ თქვენ აწარმოებთ ან გეგმავთ ევროკავშირში გაწევრიანებაზე მოლაპარაკებებს (ეს საკითხი განვიხილეთ), მაშინ, რა თქმა უნდა, პოლიტიკური მოლაპარაკებები უნდა აწარმოოთ...

ვფიქრობ, რომ არსებული ვითარება, რომელსაც ვხედავთ, გვაიძულებს, ვუთხრათ მთავრობას, რომ მათ, სულ მცირე, უნდა განიხილონ [პატიმრების] გათავისუფლება“, - განაცხადა სამპიეტრომ.

ავტორი: ექსპრესნიუსი,

სოციალური ქსელები

ბუშის ინსტიტუტის დირექტორი: ივანიშვილის წინააღმდეგ სანქციების მოხსნა ნაკლებად სავარაუდოა

2025 წელს საქართველოში გაზის გაჟონვისა და აფეთქებების შედეგად 18 ადამიანი დაიღუპა

CNN: ჩინეთი ირანისთვის საჰაერო თავდაცვის სისტემების მიწოდებას უახლოეს კვირებში გეგმავს

ევროკავშირის საგარეო საქმეთა მინისტრები საქართველოში არსებულ ვითარებას 21 აპრილს განიხილავენ