2023-08-04 17:53:43, 3836 ნახვა
Lifestyle
ლელა წურწუმიამ ბათუმში დაგეგმილი კონცერტი გააუქმა
შოვში მომხდარ ტრაგედიასთან დაკავშირებით, რომელმაც ბოლო მონაცემებით 11 ადამიანის სიცოცხლე იმსხვერპლა, მომღერალმა ლელა წურწუმიამ, ბათუმში, კლუბ „სოჰოში“ დაგეგმილი კონცერტი გააუქმა.
„ჩემო მეგობრებო, რა თქმა უნდა დღევანდელი საღამო არ ჩატარდება. ვუთანაგრძნობთ ტრაგედიის დროს დაღუპული ოჯახების წევრებს“, - წერს მომღერალი საკუთარი ფეისბუქის გვერდზე.
შოვში, სტიქიის ზონაში კიდევ 4 ადამიანის ცხედარი იპოვეს. აღნიშნულის შესახებ ინფორმაციას შინაგან საქმეთა სამინისტრო ავრცელებს.
შსს-ს ინფორმაციით, ამ დროის მონაცემებით რაჭაში სტიქიას 11 ადამიანი ემსხვერპლა.
ავტორი: ექსპრესნიუსი,
epn.ge (@expressnews.ge)
