საქართველოს შეიარაღებული ძალების IV მექანიზირებული ბრიგადის 43-ე ბატალიონის მეთაური, ვიცე-პოლკოვნიკი ვიტალი ცხადაძე ბაგრამის რაიონის გუბერნატორ ქადუსს შეხვდა.

თავდაცვის სამინისტროს ინფორმაციით, მხარეებს შორის შეხვედრა ბაგრამის რაიონულ ცენტრ გოლამ ალი-ში გუბერნატორის რეზიდენციაში გაიმართა.

43-ე ბატალიონის უფროსმა და ბაგრამის გუბერნატორმა ოპერაციის რაიონში არსებული პრობლემატური საკითხები განიხილეს. ბაგრამის რაიონის ხელმძღვანელობამ მოსახლეობასთან და ადგილობრივ უსაფრთხოების ძალებთან ქართული დანაყოფების ურთიერთობებიც შეაფასა.

შეხვედრის დროს გუბერნატორმა ქადუსმა ქართველი ჯარისკაცების მაღალ პროფესიონალიზმს გაუსვა ხაზი  და ბაგრამის რაიონში სტაბილური გარემოს უზრუნველყოფისთვის თითოეულ ჯარისკაცს მადლობა გადაუხადა. 

43-ე ბატალიონის მეთაურობა ოპერაციის რაიონში არსებულ ადგილობრივი თვითმმართველობის ხელმძღვანელ პირებთან ინტენსიურად თანამშრომლობს.  ინფორმაციის გაცვლისა და თანამშრომლობის გაღრმავების მიზნით, მხარეებს შორის შეხვედრების ორგანიზება პერიოდულად ხდება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბაზისბანკი და BSTDB საქართველოში მცირე და საშუალო ბიზნესის და მწვანე ინვესტიციების მხარდასაჭერად პარტნიორობას აფართოებენ

ოცნებამ პირველი მოსმენით მიიღო ცვლილებები "გრანტების შესახებ" კანონში

ევროპარლამენტმა და ევროსაბჭომ შავი ზღვის წყალქვეშა კაბელის პროექტს ორმხრივი ინტერესის პროექტის (PMI) სტატუსი მიანიჭა

ოპოზიციური ალიანსი: გალში მცხოვრებ ქართველებს მშობლიურ ენაზე სწავლა ეკრძალებათ და „ოცნების“ პარტია მათ არ იცავს