ქართველმა სამხედრო მოსამსახურემ ერევანში ხელჩართული ბრძოლის საერთაშორისო ტურნირზე გამარჯვება მოიპოვა.

თავდაცვის სამინისტროს ინფორმაციით, საქართველოს შეიარაღებული ძალების I საარტილერიო ბრიგადის პირველი კლასის რიგითმა გიორგი ლობჯანიძემ ფინალში ირანის ჩემპიონი ერფან ებრაჰიმიანი დაამარცხა და ჩემპიონის ტიტულიც მოიპოვა.

გამარჯვებულ სამხედრო მოსამსახურეს დღეს თავდაცვის სამინისტროში საქართველოს შეიარაღებული ძალების გენერალური შტაბის უფროსი გენერალ-მაიორი ვახტანგ კაპანაძე შეხვდა. გენერალ-მაიორმა ქართველ სამხედრო მოსამსახურეს საერთაშორისო ტურნირის ჩემპიონობა პირადად მიულოცა და წარმატებები უსურვა.

ტურნირში, რომელიც პროფესიონალთა შორის MMA წესებით მიმდინარეობდა, ირანის, სომხეთის და რუსეთის გუნდებთან ერთად საქართველოს ნაკრებმაც მიიღო მონაწილეობა. საქართველოს ნაკრები საერთაშორისო ტურნირზე 6 კაციანი შემადგენლობით იბრძოდა. საქართველოს შეიარაღებული ძალების სამხედრო მოსამსახურეები სხვადასხვა საერთაშორისო ტურნირებზე წარმატებით ასპარეზობენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

RECSOL-მა Altaris-ის „საუკეთესო მწვანე ინიციატივის“ ჯილდო მიიღო - „თეგეტა ჰოლდინგის“ მხარდაჭერით საქართველოში საბურავების გადამმუშავებელი საწარმო შენდება

ერთი პირი სტუმრად ყოფნისას შეუძლოდ გახდა და გარდაიცვალა, ორმა მამაკაცმა ცხედარი ტყეში დამალეს და მიიმალნენ

აქედან არ გავალთ,- ოჯახები, რომლებსაც საკუთრებას ჩამოართმევენ

ყველაზე მასშტაბური გუნდური ოლიმპიადა საქართველოში - როგორია საქართველოს ბანკის და კომაროვის STEM ოლიმპიადა