საქართველოს განათლებისა და მეცნიერების სამინისტროსთან, მშობელთა საინიციატივო ჯგუფი აქციას მართავს.

აქციის მონაწილეები „ნაციონალური მოძრაობის“ მიერ ინიცირებულ "ზოგადი განათლების" შესახებ კანონპროექტს უჭერენ მხარს, რომლის თანახმადაც, ბავშვს, რომელსაც 31 დეკემბრამდე 6 წელი უსრულდება, სკოლაში შესვლის საშუალება უნდა მიეცეს.

ისინი დეპუტატებს მოუწოდებენ, რომ ხვალ ჩანიშნულ კენჭისყრაზე ამ კანონპროექტს მხარი დაუჭირონ.

აქციის მონაწილეებს ტრანსფარანტები აქვთ გამოტანილი, წარწერით - „ერთი კვირა = 1 წელს“, „ჩვენ 20 ათასი ვართ“, „გთხოვთ შემიშვათ სკოლაში“, „ნუ დამტოვებთ ბაღში 8 დღის გამო“.

აქციაზე ასევე იმყოფება აღნიშნული კანონპროექტის ინიციატორი, კობა სუბელიანი.

როგორც მან ჟურნალისტებს განუცხადა, 10 და 20 დღის გამო, ბავშვი სკოლის გარეთ არ უნდა დარჩეს.

„მშობლებმა გადაწყვიტეს აქციის ჩატარება დეპუტატების მხარდასაჭერად, რომლებაც წინ კენჭისყრაზე ხმა მისცეს კანონპროექტს, რომლის თანახმადაც 10 დღის გამო, ბავშვი არ უნდა დარჩეს გარეთ. მომიწვიეს, როგორც კანონპროექტის ინიციატორი. მოვედი და მხარს ვუჭერ მათ მოთხოვნას. მიმაჩნია, რომ 10 და 20 დღის გამო, ბავშვი სკოლის გარეთ არ უნდა დარჩეს. ეს არის მშვიდობიანი აქცია და არა პოლიტიკური“, - განაცხადა სუბელიანმა.

მისივე თქმით, საქართველოში სულ 20 ათასი ბავშვია, რომლებიც რამდენიმე კვირისა და თვის გამო, წელს სკოლაში შესვლას ვერ ახერხებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა