C ჰეპატიტი სამკურნალო მედიკამენტების პირველი პარტია საქართველოში კვირას ან ორშაბათს შემოვა.

ამის შესახებ შრომის, ჯანმრთელობის და სოციალური დაცვის მინისტრმა დავით სერგეენკომ ჟურნალისტებს მთავრობის ადმინისტრაციაში განუცხადა.

მისივე თქმით, პაციენტების რეგისტრაცია სამშაბათს, 28 აპრილს დაიწყება.

"მომავალი კვირის განმავლობაში  პაციენტები, ვისაც ყველაზე მეტად სჭირდებათ  მკურნალობა ამ პროექტით ისარგებლებენ",- განაცხადა დავით სერგეენკომ.

ცნობისთვის, საქართველოს მთავრობასა და კომპანია "გილეადს" შორის მემორანდუმს ხელი მოეწერა.

პროექტის ფარგლებში, მოქალაქისთვის C ჰეპატიტის სამკურნალო მედიკამენტი უფასო იქნება. მკურნალობა კი, თანამედროვე, უაღრესად ეფექტური მედიკამენტებით განხორციელდება. რაც შეეხება დიაგნოსტიკას, სოციალურად დაუცველებისთვის დიაგნოსტიკა უფასო იქნება. კერძოდ, ჯანდაცვის სამინისტრო  დიაგნოსტიკის ღირებულების 70%-ს დააფინანსებს, 30%-ს კი-ადგილობრივი ბიუჯეტი.  არასოციალურად დაუცველებს დიაგნოსტიკის ღირებულების 30%დაუფინანსდებათ, 70%-ს კი პაციენტი გადაიხდის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანაპას სანაპიროზე ნავთობის დაღვრის შედეგად 200-ზე მეტი დაშავებული ფრინველი აღმოაჩინეს

სააკაშვილი: ივანიშვილს და ოცნებას მამა გარდაეცვალა ორბანის სახით

პოპის ვარსკვლავი ბრიტნი სპირსი ალკოჰოლიზმთან საბრძოლველად რეაბილიტაციის ცენტრში დაწვა

ძლიერი საქართველო: ვულოცავთ მადიარს, უმთავრესი გაკვეთილი ცხადია, ბრძოლა ბოიკოტის მაგიერ