„მათემატიკაში ისევე ატყუებთ ხალხს, როგორც პოლიტიკურად. ძალიან ცუდი წარმოდგენა გაქვთ ქართველი ხალხის მათემატიკური უნარების თაობაზე“,-ასე მიმართა პარლამენტის  თავმჯდომარემ ირაკლი კობახიძემ საპარლამენტო უმცირესობის წევრ აკაკი ბობოხიძეს, რომელმაც ასევე განაცხადა, რომ „ქართული ოცნება“ საზოგადოებას მუსოლინის საარჩევნო სისტემას სთავაზობს.

„რამდენი კომენტარი უნდა გაკეთდეს ამ  საარჩევნო სისტემასთან დაკავშირებით, არ ვიცი. მათემატიკაში ისევე ატყუებთ ხალხს, როგორც პოლიტიკურად. ძალიან ცუდი წარმოდგენა გაქვთ ქართველი ხალხის მათემატიკური უნარების თაობაზე“,-აღნიშნა პარლამენტის თავმჯდომარემ.

შეგახსენებთ, აკაკი ბობოხიძემ  სახელმწიფო საკონსტიტუციო კომისიის თავმჯდომარე ირაკლი კობახიძე გააკრიტიკა და აღნიშნა, რომ რჩება შთაბეჭდილება, მას კონსტიტუციური ცვლილებების პროექტი წაკითხულიც არ აქვს:

„მრჩება შთაბეჭდილება, თქვენ, კომისიის თავმჯდომარეს წაკითხულიც არ გაქვთ,  რა პროექტს გვთავაზობთ იმიტომ, რომ ელემენტარული არითმეტიკით დაგითვლით.  თქვენი შემოთავაზებული კანონპროექტი უკვე კანონად რომ ყოფილიყო ამოქმედებული, 2016 წლის არჩევნებში მიიღებდით 100-მანდატზე მეტს. მიუხედავად იმისა, რომ საქართველოს მოსახლეობის ნახევარმაც კი არ გამოგიცხადათ ნდობა. თურმე ჩვენ მადლობელი უნდა ვიყოთ იმისა, რომ პირდაპირ მუსოლინივით  ბოლომდე არ თავხედობთ და პირდაპირ არ ითხოვთ 2/3-ს, თუმცა ეს 2/3 ირიბად მაინც შეიძლება გამოგივიდეთ“,-აღნიშნა აკაკი ბობოხიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს