სააკაშვილი: ღარიბი პრეზიდენტი ვიყავი - როდესაც ჩემ მინისტრებს ბიზნესი უჩნდებოდათ, ისინი ციხეში მიდიოდნენ

2017-04-13 21:40:42, 2887 ნახვა

კომენტარი

საქართველოს ყოფილი პრეზიდენტის და ოდესის ოლქის ყოფილი გუბერნატორის მიხეილ სააკაშვილის განცხადებით, მისი პრეზიდენტობის დროს საქართველოში, არცერთ მინისტრს ბიზნესი არ ჰქონია, - ამის შესახებ სააკაშვილმა უკრაინული ტელეკომპანია ZIK-ის ეთერში, თავის თოქ-შოუ Наша Україна-ს ეთერში განაცხადა.

როგორც სააკაშვილმა განმარტა, თუ მინისტრს ბიზნესი "უჩნდებოდა ის ციხეში მიდიოდა".

"მე ქვეყნის პრეზიდენტი ვიყავი, ღარიბი პრეზიდენტი და ძაღლის სახლიც კი ვერ ავაშენე. არც ბიზნესი მაქვს, არც მე და არც ჩემს ნათესავებს. საქართველოში ბიზნესი არ მქონდა, არც მინისტრებს. სანამ ისინი ამ თანამდებობას იკავებდნენ არ ჰქონდათ ბიზნესი და მე ამას მკაცრად ვაკონტროლებდი. როდესაც მათ ბიზნესი უჩნდებოდათ, ისინი ციხეში მიდიოდნენ.

საქართველოში გადასახადები 60%-ით შევამცირე და ქვეყნის ბიუჯეტი 11-ჯერ გაიზარდა, რადგან ადამიანებმა გადახდა დაიწყეს", - აღნიშნა ყოფილმა პრეზიდენტმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან