დევნილთა და განსახლების მინისტრის სოზარ სუბარის განცხადებით, საქართველოში ლტოლვილთა ბანაკების გახსნა არ იგეგმება. 

როგორც მინისტრმა განმარტა, აღნიშნული თემის განხილვა არც არასდროს ყოფილა. 

მისივე თქმით, საქართველოში 2 714 ათასი დევნილია და ქვეყანა ახალ ვალდებულებებს ვერ აიღებს.

სუბარმა დასძინა, რომ საქართველო საერთაშორისო ვალდებულებებს პირნათლად ასრულებს. ამასთან, მინისტრმა ლტოლვილების მიღება და საერთაშორისო მისიებში მონაწილეობა დაასახელა.

მისივე ინფორმაციით, ავსტრიის საგარეო საქმეთა მინისტრის საქართველოში სტუმრობის დროს ლტოლვილთა ბანაკებზე საუბარი არც პრემიერთან და არც საგარეო საქმეთა მინისტრთან არ ყოფილა. 

ცნობისთვის, ავსტრიის საგარეო მინისტრის სებასტიან კურცის განცხადებით შესაძლებელია ლტოლვილთა ბანაკი საქართველოში, ეგვიპტეში და დასავლეთ ბალკანეთში განთავსდეს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი