პარლამენტის თავდაცვისა და უსაფრთხოების კომიტეტის თავმჯდომარე ირაკლი სესიაშვილი თვლის, რომ საქართველოს პრეზიდენტი თავისი განცხადებებით საკონსტიტუციო კომისიას შეურაცხყოფას აყენებს.

როგორც სესიაშვილმა აღნიშნა, სამწუხაროა, რომ პრეზიდენტი სპეკულაციის გზით წავიდა.

"სამწუხაროდ, პრეზიდენტმა ამ შემთხვევაში მთლიანად კომისიას შეურაცხყოფა მიაყენა. აქ არ არის საუბარი "ქართულ ოცნებასა" და ხელისუფლებაზე. კომისიაზე მეტნაკლებად ვთანხმდებით, რომ პირველ რიგში, შემდეგი არჩევნები იყოს პირდაპირი წესით და შეიცვალოს შემდეგი საპრეზიდენტო არჩევნები არაპირდაპირი წესით. სწორედ იმიტომ მოხდა ეს ყველაფერი, რომ ბატონ გიორგი მარგველაშვილს არ დაეწყო პოლიტიკური სპეკულაციები. პრეზიდენტს ერთგვარად ეწყინა, რომ ჩვენ პირდაპირ არაპირდაპირი წესით არ დავნიშნეთ და მხარს არ ვუჭერთ მიდგომას, რომ მომავალი საპრეზიდენტო არჩევნები იყოს არაპირდაპირი წესით. ეს მოლოდინი რომ არ გაუმართლდა, მაინც ამ სპეკულაციით წავიდა რაც არ უნდა სამწუხარო იყოს", - განაცხადა სესიაშვილმა.

შეგახსენებთ, საქართველოს პრეზიდენტმა გუშინ გამართულ პრესკონფერენციაზე საკონსიტუციო კომისიის საქმიანობაზე ისაუბრა და განაცხადა, რომ რა გადაწყვეტილებებისკენაც მიდის კომისია პრეზიდენტის არჩევის საკითხზე, მისთვის დასანანია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი