ტუღუში: ვიმედოვნებ „ევროპული საქართველო“ შეძლებს, კონსტიტუციაში არასაჭირო ჩანაწერების გაჩენა არ მოხდეს

2017-02-13 12:39:41, 2042 ნახვა

პოლიტიკა კომენტარი

„ევროპული საქართველოს“ წევრის გიორგი ტუღუშის განცხადებით, ქორწინების საკითხი საქართველოს კანონმდებლობით მოწესრიგებულია და არანაირი საჭიროება არ არსებობს იმის, რომ კონსტიტუციაში დამატებითი ჩანაწერი გაკეთდეს.

ტუღუშის თქმით, „ქართული ოცნება“ ცდილობს ძირითადი საკითხებიდან ყურადღება ამგვარ პოპულისტურ დაპირებებზე გადაიტანოს.

„იმედს ვიტოვებ ვიმუშავებთ სერიოზულ საკითხებზე და კონსტიტუციაში შევცვლით საარჩევნო სისტემას. ვიმედოვნებ „ევროპული საქართველო“ შეძლებს კონსტიტუცია დარჩეს გამართული ამ ნაწილში მაინც და არ მოხდეს სხვადასხვა არასაჭირო ჩანაწერების გაჩენა“,-აღნიშნა ტუღუშმა.

ცნობისთვის, მმართველის გუნდის ინიციატივაა კონსტიტუციაში გაკეთდეს ჩანაწერი, რომ ქორწინება ეს არის ქალისა და მამაკაცის ნებაყოფლობითი კავშირი.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან