საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრის“ მედიატორებისათვის, სასტუმრო კომპლექს „Lopota resort“-ში ორდღიანი სამუშაო შეხვედრა მიმდინარეობს.

როგორც „ექსპრესნიუსს“ დანაშაულის პრევენციის ცენტრიდან აცნობეს, შეხვედრის მიზანია „არასრულწლოვანთა განრიდებისა და მედიაციის პროგრამაზე“ მომუშავე პროფესიონალთა თეორიული და პრაქტიკული კვალიფიკაციის ამაღლება, რომელსაც   ფსიქოლოგი, კონფლიქტოლოგი მედიაციის ექსპერტი, ჯანა ჯავახიშვილი უძღვება.

შეხვედრის ფარგლებში მედიატორებს საშუალება ჰქონდათ გამოცდილი ექსპერტისთვის დაესვათ კითხვები და ემსჯელათ პრაქტიკაში გამოვლენილ პრობლემებზე.

გარდა ამისა, კონკრეტული საქმის განხილვის შემდეგ, მედიატორები მათთვის აქტუალურ საკითხებზე  კომპეტენტურ რჩევებს და პასუხებს მიიღებენ.

იუსტიციის სამინისტროს დანაშაულის პრევენციის ცენტრის დირექტორის ჯონი კვინიკაძის განცხადებით, აღნიშნული შეხვედრა მნიშვნელოვანი იყო იმდენად, რამდენადაც საქართველოს სხვადასხვა რეგიონში მომუშავე მედიატორებმა შეხვედრის ფორმატიდან გამომდინარე, ერთმანეთს გაუზიარეს საკუთარი პრაქტიკული გამოცდილება, კონკრეტული საქმეების განხილვისას იმსჯელეს  თუ რა სირთულეებს აწყდებიან საქმიანობის პროცესში და ექსპერტის რჩევების გათვალისწინებით დასახეს პრობლემების გადაჭრის გზები.

„საბოლოოდ, მედიატორები აიმაღლებენ  კვალიფიკაციას სხვადასხვა პრაქტიკული სავარჯიშოებისა და მათთვის მიწოდებული დამატებითი თეორიული მასალის საფუძველზე“, - აღნიშნა ჯონი კვინიკაძემ.

შეხვედრა დააფინანსა და სსიპ დანაშაულის პრევენციის ცენტრთან ერთად ორგანიზებას უწევს „პროექტი ჰარმონიის ფილიალი საქართველოში“.

ცნობისთვის, „არასრულწლოვანთა განრიდებისა და მედიაციის პროგრამა“ საქართველოში 2010 წელს ამოქმედდა. 2012 წლიდან კი პროგრამის მენეჯმენტს იუსტიციის სამინისტროს დანაშაულის პრევენციის ცენტრი ახორციელებს.  ამ დროისთვის სულ განრიდებულია 767 არასრულწლოვანი. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა

აზერბაიჯანულმა მხარემ ოცნების რეჟიმს სადიგოვის ექსტრადიციის მოთხოვნის „განუხილავად დატოვება“ შესთავაზა.

ოკუპირებულ დონეცკში კობა ხაბაზს დაუსწრებლად 13 წლით თავისუფლების აღკვეთა მიუსაჯეს