წერეთლის  N55-ში ფოთლოვანი ხის განზრახ დაზიანების კიდევ ერთი ფაქტი გამოავლინეს დიდუბის რაიონის გამგეობის მონიტორინგისა და ზედამხედველობის განყოფილების თანამშრომლებმა.

მოსახლეობის განცხადებით, ხე გახმობის მიზნით სპეციალურად არის დაზიანებული. ხე-მცენარეს ფესვიდან 1.50 სანტიმეტრის სიმაღლეზე, 23 სანტიმეტრის სიგანით შემოცლილი აქვს ქერქი. მცენარის გადასარჩენად სპეციალისტების მხრიდან ყველა შესაძლო ღონისძიება გატარდება.

ადგილზე იმყოფებოდნენ  დიდუბის რაიონის გამგებელი ირმა ზავრადაშვილი, გამგეობის გამწვანების სპეციალისტი და ზედამხედველობის საქალაქო სამსახურის ლანდშაფტურ-სარეკრეაციო ტერიტორიის დაცვის განყოფილების თანამშრომლები.

ანალოგიური შემთხვევა დიღმის ტყე-პარკში 4 თვის წინ დაფიქსირდა, შესაბამისი ღონისძიებების გატარების შედეგად, დაზიანებული ფოთლოვანი ხეების გადარჩენა მოხერხდა.

თბილისის მერიამ მცენარის განზრახ დაზიანების ფაქტის შესახებ ინფორმაცია სამართალდამცავ ორგანოებს მიაწოდა.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი