შინაგან საქმეთა სამინისტრო სამართალდამცველების მიერ, ლანჩხუთის რაიონის აცანის ეკლესიის წინამძღვარის ცემის ფაქტს კატეგორიულად უარყოფს.

როგორც უწყების პრესსამსახურში "ექსპრესნიუსს" განუცხადეს, მამა გაბრიელ კახელიშვილი ავტომობილს ნასვამ მდგომარეობაში მართავდა, რა დროსაც პოლიციამ გააჩერა და სახლში წაყვანა შესთავაზა. თუმცა, შსს-ს ცნობით,  ამ შეთავაზებას მამაოს მხრიდან აგრესიული ქმედება მოჰყვა და პოლიციელებს სიტყვიერი შეურაცხყოფა მიაყენა. ოფიციალური ინფორმაციით, მამა გაბრიელ კახელიშვილი სწორედ ამის გამო დააკავეს და ლანჩხუთიდან ოზურგეთში გადაყვანისას, მანქანაში თვითდაზიანებები მიიყენა:

"არსებობს ამის დამადასტურებელი კადრები,  მაგრამ ეთიკური ნორმებიდან გამომდინარე, ვინაიდან საქმე ეხება მამაოს, ამ ეტაპზე ამ კადრების გამოქვეყნებისგან თავს ვიკავებთ",-განუცხადეს "ქსპრესნიუსს" შსს-ში.
მამაო  ხელწერილის საფუძველზე გათავისუფლდა, ხოლო მის ადმინისტრაციულად დაჯარიმებაზე, სასამართლო იმსჯელებს.

შეგახსენებთ, ლანჩხუთის რაიონის აცანის ეკლესიის წინამძღვარი ირწმუნება, რომ მას სამართალდამცველები ფიზიკურდ გაუსწორდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი

თბილისში Trump Tower აშენდება - Wall Street Journal

პაპი აცხადებს, რომ ტრამპთან კამათი „არ არის დაინტერესებული“

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ