2016-06-24 10:42:36, 1098 ნახვა
ეკონომიკა
ბრიტანული ფუნტის კურსი 1985 წლის შემდეგ, ყველაზე დაბალ ნიშნულს მიუახლოვდა
დიდი ბრიტანეთის რეფერენდუმის შედეგებმა მსოფლიო საფონდო ბირჟებზე რყევები გამოიწვია.
ბრიტანული ფუნტის კურსი დოლართან მიმართებაში 1985 წლის შემდეგ ყველაზე დაბალ ნიშნულს მიუახლოვდა. ფუნტი დოლართან მიმართებაში თითქმის 10%-ით არის გაუფასურებული.
ევრო დოლართან მიმართებაში 3%-ით გაუფასურდა.
ცნობისთვის, წინასწარი მონაცემებით, დიდი ბრიტანეთის მოსახლეობის 52%-მა ევროკავშირიდან გასვლას მხარი დაუჭირა.
რეფერენდუმზე ამომრჩეველთა აქტივობამ 71,5 პროცენტი შეადგინა. სულ დარეგისტრირებული იყო 46 501 241 ამომრჩეველი.
ევროკავშირში წევრობის შესახებ რეფერენდუმის ჩატარება დევიდ ქემერონის კონსერვატიული პარტიის წინასაარჩევნო დაპირება იყო.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
