ქალაქ იდლიბზე საჰაერო დარტყმების შედეგად 14 გარდაიცვალა, ათობით დაშავდა, - ამის შესახებ BBC სირიის ადამიანის უფლებათა მონიტორინგის ცენტრზე დაყრდნობით იუწყება.

მედიის ინფორმაციით, იდლიბში რამდენიმე რაიონი, მათ შორის საავადმყოფოს მიმდებარე ტერიტორია დაიბომბა. უფლებადამცველი ორგანიზაციის ცნობით, სავარაუდოდ რუსულმა ავიაციამ სულ მცირე შვიდი დარტყმა განახორციელა. უფლებადამცველების მონაცემებით, გარდაცვლილთა შორის 3 ბავშვია.

სირიის ადამიანის უფლებათა მონიტორინგის ცენტრის მიერ გამოქვეყნებული სტატისტიკის თანახმად, სირიაში რუსეთის სამხედრო ოპერაციის დაწყებიდან რუსული ავიაციის იერიშებს 2099 სამოქალაქო პირი, მათ შორის 500 ბავშვი, ემსხვერპლა.

ამასთან, ორგანიზაციის მონაცემებით, რუსული ავიაციის დაბომბვის შედეგად დაიღუპა "ისლამური სახელმწიფოს" 2270 მებრძოლი და დაჯგუფება "ალ-ნუსრას ფრონტის" 1971 მებრძოლი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო

აშშ-მ კუბასთან საიდუმლო მოლაპარაკებები გამართა, ბოლო 10 წლის განმავლობაში პირველად

ირანი უარყოფს ტრამპის განცხადებას გამდიდრებული ურანის აშშ-ში გადაცემაზე დათანხმების შესახებ