ფინანსთა მინისტრი ნოდარ ხადური საქართველო-სლოვაკეთის ბიზნესფორუმს დაესწრო, რომელიც საქართველოს პრემიერ-მინისტრმა, გიორგი კვირიკაშვილმა და სლოვაკეთის პრეზიდენტმა, ანდრეი კისკამ გახსნეს.

ფინანსთა სამინისტროს ინფორმაციით, ფორუმზე განიხილეს ორ ქვეყანას შორის თანამშრომლობის საკითხები ისეთი მიმართულებებით, როგორებიცაა: ენერგეტიკა, ინფორმაციული ტექნოლოგიები, ტრანსპორტი, ლოგისტიკა, ინფრასტრუქტურა და ვაჭრობა.

„თბილისში დღეს ძალიან მნიშვნელოვანი ღონისძიება გაიმართა. ბიზნესფორუმი კარგი ფორმატია სლოვაკი ინვესტორებისთვის, გამოიყენონ ის შესაძლებლობები, რომლებიც საქართველოს გააჩნია, მათ შორის, ევროკავშირთან ურთიერთობის კუთხით - ვგულისხმობ, ევროკავშირთან ღრმა და ყოვლისმომცველი თავისუფალი სავაჭრო სივრცის შესახებ შეთანხმებას. აღნიშნული შეხვედრა, ასევე, ქართველ ბიზნესმენებს აძლევს საშუალებას, უკეთ გაეცნონ სლოვაკი პარტნიორების წინადადებებს და სლოვაკეთის საინვესტიციო შესაძლებლობებს. ჩვენს ქვეყნებს შორის, სხვადასხვა სექტორში, არსებობს თანამშრომლობის დიდი პერსპექტივა, რომლის შესახებაც დღეს ისაუბრეს საქართველოს პრემიერ-მინისტრმა, გიორგი კვირიკაშვილმა და სლოვაკეთის პრეზიდენტმა, ანდრეი კისკამ. ვფიქრობ, პარტნიორობა მომავალში წარმატებით განვითარდება“, - განაცხადა ნოდარ ხადურმა.

ღონისძიების ორგანიზატორია საქართველოს ეროვნული საინვესტიციო სააგენტო, სლოვაკეთის ინვესტიციებისა და ვაჭრობის განვითარების სააგენტო, საქართველოს დამსაქმებელთა ასოციაცია. ფორუმის პარტნიორია საქართველოს სავაჭრო-სამრეწველო პალატა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა ნატო გააკრიტიკა ირანთან დაკავშირებით დახმარების სურვილის არქონის გამო

უკრაინამ სამარის ოლქში, კრასნოდარის მხარეში და სევასტოპოლში ნავთობის ობიექტებს შეუტია

პაპუაშვილმა ზახაროვას განცხადებას უპასუხა: ჩვენ ხალხის ინტერესებიდან გამომდინარე ვმოქმედებთ

კონგრესმენი უილსონი: აშშ-სთვის მნიშვნელოვანია, რომ ანაკლია პეკინის დომინირების ქვეშ არ მოექცეს