2025-10-09 16:14:25, 780 ნახვა

---

კახა კალაძე EPP-ს მოთხოვნაზე: ეს გაერთიანებები ებრძვიან ქართველ ხალხს და სიბინძურეებს კადრულობენ

თბილისის მერმა კახა კალაძემ მედიასთან ორმაგი სტადარტის მაგალითი უწოდა ევროპის სახალხო პარტიის მოთხოვნას სანქციების დაწესებასთან დაკავშირებით.

მისივე თქმით, რომ ქართველები აღნიშნული ორმაგი თამაშის მონაწილეებსა და მიზნებს კარგად აანალიზებენ.

„ორმაგის სტანდარტის მაგალითია. ეს გაერთიანებები, პარტიები, კონკრეტული მაღალი თანამდებობის პირები „დიპ სტეიტის“ გავლენის ქვეშ არიან. ებრძვიან ქართველ ხალხს და სიბინძურეებს კადრულობენ, რომ კრიმინალი, ძალადობა წაახალისონ, გახლიჩონ საზოგადოება. რაც მთავარია, ვინ ვინ არის და ვის რა ინტერესი აქვს საქართველოსთან დაკავშირებით ქართველმა ხალხმა კარგად გააანალიზა“, - განაცხადა კახა კალაძემ.

მანვე განმარტა, რატომ ებრძვის და მოითხოვს აღნიშნული პარტია ბიძინა ივანიშვილის დასანქცირებას.

„ქვეყანაში მნიშვნელოვანი ფიგურაა ბატონი ბიძინა ივანიშვილი, რომელიც დიდი სიყვარულით სარგებლობს ქართულ საზოგადოებაში. მან 2012 წელს შემოიკრიბა მოსახლეობის უმრავლესობა და დაამარცხა ქვეყნის მტრები, ის „გლობალური ომის პარტია“, რაც წარმოდგენილია საქართველოში და მსოფლიოს სხვადასხვა ქვეყანაში. მან თავისი მტკიცე ხასიათით აჩვენა, რამდენად მნიშვნელოვანია სამშობლოს ინტერესები, ამიტომაც არ უნდა გაგვიკვირდეს, რომ დღეს ვისაც ებრძვიან ბიძინა ივანიშვილია“, - აღნიშნა კახა კალაძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი