სალომე ზურაბიშვილმა მიესალმა სომხეთსა და აზერბაიჯანს შორის აშშ-ის შუამავლობით მიღწეულ შეთანხმებებს და მიუთითა რუსეთის ობსტრუქციულ როლზე მშვიდობის მიღწევაში.

„თქვენი წარმატება კავკასიაში მშვიდობისა და პროგრესის წარმატებაა. ქართველებმა იციან მშვიდობისა და დამოუკიდებლობის ფასი და აფასებენ ამ დიდ მიღწევას რუსეთის მიერ მისი ათწლეულების განმავლობაში ობსტრუქციის შემდეგ“, - მიმართა ზურაბიშვილმა სომხეთის, აზერბაიჯანისა და აშშ-ის ლიდერებს X სოციალურ ქსელში.

* 8 აგვისტოს, ვაშინგტონში, სომხეთის პრემიერ-მინისტრმა ნიკოლ ფაშინიანმა და აზერბაიჯანის პრეზიდენტმა ილჰამ ალიევმა, აშშ-ის პრეზიდენტ დონალდ ტრამპის შუამავლობით, ხელი მოაწერეს დეკლარაციას მშვიდობიანი ურთიერთობებისა და სრულფასოვანი სამშვიდობო ხელშეკრულების დადების განზრახვის შესახებ. სომხეთმა ასევე მიანიჭა შეერთებულ შტატებს ექსკლუზიური უფლებები ზანგეზურის დერეფნის განვითარებაზე, სტრატეგიული სატრანსპორტო მარშრუტზე, რომელიც სამხრეთ კავკასიაში აკავშირებს აზერბაიჯანის მატერიკულ ნაწილს მის ანკლავ ნახიჩევანთან.

ამავდროულად, მოსკოვი, რომელიც ათწლეულების განმავლობაში აცხადებდა თავის როლს, როგორც შუამავალი ბაქოსა და ერევანს შორის, ამ შეთანხმებების მიღმა დარჩა.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო