ადვოკატმა ჯუბა ქათამაძემ დღეს ციხეში მზია ამაღლობელი მოინახულა. მისი თქმით, ამაღლობელი თავს სუსტად გრძნობს და სიარული უჭირს.

"შეგვიძლია ვთქვათ, რომ ბოლო ნახვის შემდეგ მისი მდგომარეობა განსაკუთრებულად არ შეცვლილა. თავს ისევ სუსტად გრძნობს და გადაადგილება უჭირს. შიმშილობის 24-ე დღეა და აქედან გამომდინარე, რა თქმა უნდა, გარკვეული პრობლემები არის, თუმცა, ჯანმრთელობის რაიმე განსაკუთრებული და მნიშვნელოვანი პრობლემა ისეთი არაფერი აქვს". - ამბობს ქათამაძე. 

ჯუბა ქათამაძის თქმით, სახალხო დამცველს მიმართეს, რომ სპეციალური სამედიცინო ჯგუფი შეიქმნას, რომელიც მზია ამაღლობელის ჯანმრთელობას დეტალურად გამოიკვლევს.

"ჩვენი მხრიდან სახალხო დამცველისთვის მიწოდებულია ინფორმაცია, რომ შეიქმნას სპეციალური სამედიცინო ჯგუფი, რომელიც ყველა იმ სახის სამედიცინო კვლევას ჩაატარებს, რაც ქალბატონ მზიას სჭირდება, არა მარტო ამ შიმშილობიდან გამომდინარე, არამედ იქიდან გამომდინარეც, რომ მას გარკვეული დაავადებები აქვს, რაც დაკავებამდეც აწუხებდა". ამბობს ამაღლობელის ადვოკატი.

24-ე დღეა, ნეტგაზეთისა და ბათუმელების დამფუძნებელი, ჟურნალისტი მზია ამაღლობელი ციხეში შიმშილობს.

ავტორი: ექსპრესნიუსი,

სოციალური ქსელები

ირანმა შესაძლოა ჰორმუზის სრუტის ნაწილი გახსნას, თუმცა არსებობს ერთი პირობა, - Reuters

სალომე ზურაბიშვილი აბასთუმნის ცის დაკეტვაზე - არც განმარტება… ცაც ბიძინასია?

ტრამპმა ლიბანისა და ისრაელის ლიდერებს შორის 30 წელზე მეტი ხნის შემდეგ პირველად, შეხვედრის შესახებ განაცხადა.

მტკვრის მარჯვენა სანაპიროს გარკვეულ მონაკვეთზე საგზაო მოძრაობა დროებით შეიზღუდება