საყოველთაო ვაქცინაციის ფარგლებში აჭარაში COVID 19-ის საწინააღმდეგო ვაქცინაცია აქტიურად მიმდინარეობს. ინფორმაციას აჭარის ჯანდაცვის სამინისტროს პრესსამსახური ავრცელებს.

მათივე ცნობით, ამჯერად პროცესში ქობულეთის მუნიციპალიტეტში მდებარე სამკერვალო ფაბრიკა „აჭარა ტექსტილის“ 1500-მდე თანამშრომელი ჩაერთო.

ამასთავე, ვაქცინაციის პროცესი ბობოყვათის პირველად ჯანდაცვის ცენტრში მიმდინარეობს. იმუნიზაციის პროცესს ადგილზე აჭარის ა/რ ჯანმრთელობისა და სოციალური დაცვის მინისტრი, ნინო ნიჟარაძე გაეცნო.

„მოხარული ვარ, რომ „აჭარა ტექსტილის“ თანამშრომლებმა გამოიჩინეს სამოქალაქო პასუხისმგებლობა და ორგანიზებულად ჩაერთნენ ვაქცინაციის პროცესში. მნიშვნელევანი და აუცილებელია სხვა დაწესებულებების მსგავსი აქტიურობა. ეპიდემიოლოგიური ვითარება საყურადღებოა, ამიტომ აუციელებელია ვაქცინაციის ტემპის ზრდა“, - განაცხადა მინისტრმა ნინო ნიჟარაძემ.

აჭარის ავტონომიურ რესპუბლიკაში COVID 19-ის საწინააღმდეგო ვაქცინაციის ჩატარება შესაძლებელია ექვსივე მუნიციპალიტეტში. პროცესში ჩართულია 13 სამედიცინო დაწესებულება, მობილიზებულია 28 ამცრელი ბრიგადა.

დღეისათვის აჭარაში COVID 19-ით ინფიცირების 238 ახალი შემთხვევა გამოვლინდა. ამ ეტაპისთვის კორონავირუსის საწინააღმდეგო ვაქცინაცია ჩატარებული აქვს 40 146 ადამინს.

ავტორი: NS (სტატია დაფინანსებულია),

სოციალური ქსელები

აშშ-მ ამერიკული ხელოვნური ინტელექტის კოპირებისთვის ჩინეთისა და რუსეთის წინააღმდეგ სანქციების დაწესების განხილვა დაიწყო

აშშ-მ ირანისა და ირანის მხარდამჭერი გემების დევნა დაიწყო

ოცნება მცირე მეღვინეობებისთვის წესებს შეცვლის და ხარისხის კონტროლს გაამკაცრებს

პაპუაშვილი აბასთუმნის ცის დაკეტვაზე - რადიკალური ოპოზიცია ცდილობს, არ დაუშვან სამეცნიერო პოტენციალის ათვისება