აჭარის მთავრობის თავმჯდომარე არჩილ ხაბაძე თურქ ბიზნესმენთა ასოციაციის წევრებს შეხვდა. 
როგორ „ექსპრესნიუსს“ აჭარის მთავრობიდან აცნობეს, დელეგაციის შემადგენლობაში იყვნენ: „TK İNŞAAT“-ის მფლობელი და ასოციაციის თავმჯდომარე ჰალიტ თუზჯუოღლუ , „SPS BARAKA 2005“-ის მფლობელი ბურჰან დინდარი, „PAŞABAHÇE/GURAL PORSELEN“-ის მფლობელი ჯაფერ ჯანთურქი, თურქეთის ავიახაზების მფლობელი დენიზ ოზტირპანი, მეტრო ავრაზიას მფლობელი გალიპ ოზთურქი, მეტრო ავრაზიას წარმომადგენელი მეჰმეთ აიაღი, ზირაათ ბანკის წარმომადგნელი ონურ ფელენთი, სასტუმრო ლეოგრანდის გენერალური დირექტორი მერთ ბოლუქბაში, ჯორჯიან ტექსტილის მფლობელი ნური სარი, თურქეთის გენერალური კონსული ქ. ბათუმში იასინ თემიზქანი, თურქეთის გენერალური საკონსულოს მდივანი სალიჰ ექმექჯი.
მათივე ინფორმაციით, ასოციაციის მიზანია საქართველოსა და თურქეთს შორის სავაჭრო და ეკონომიური ურთიერთობების განვითარებაში წვლილის შეტანა. ასევე ქართველ ბიზნესმენებზე დახმარება, შეხედულებების გაზიარება და პრაქტიკაში დანერგვა. 
ასოციაცია ინფორმაციას აწვდის და ემსახურება შესაბამისი საინფორმაციო ბაზის შექმნას ქართველ და თურქ ბიზნესმენთათვის. ხელს უწყობს ნებისმიერ სავაჭრო და ეკონომიკურ საკითხებში ქართულ და თურქულ საქმიან წრეებს შორის კეთილგანწყობილი ურთიერთობის დამყარებას. ორგანიზებას უწევს საქართველოსა და თურქეთის მთავრობის წარმომადგენლებთან შეხვედრას და ერთობლივი საქმიანობის განხორციელებას, მათ შორის რეკომანდაციების გაწევასა და აზრთა გაზიარებას. საზოგადოების სოციალური და ეკონომიკური პირობების გაუმჯობესების მიზნით ასოციაცია სხვადასხვა პროგრამებს ახორციელებს;

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ორბანი და უნგრეთის საგარეო საქმეთა მინისტრი სიიარტო არჩევნებში დამარცხების შემდეგ საზოგადოების თვალთახედვიდან გაუჩინარდნენ

ანაპას სანაპიროზე ნავთობის დაღვრის შედეგად 200-ზე მეტი დაშავებული ფრინველი აღმოაჩინეს

სააკაშვილი: ივანიშვილს და ოცნებას მამა გარდაეცვალა ორბანის სახით

პოპის ვარსკვლავი ბრიტნი სპირსი ალკოჰოლიზმთან საბრძოლველად რეაბილიტაციის ცენტრში დაწვა