საზოგადოებრივ ცენტრებში სანოტარო მომსახურებას უკვე სოფლების, მეჯვრისხევისა (გორი რაიონი) და მუხაესტატეს (ქობულეთის რაიონი) მოსახლეობაც იღებს.

როგორც „ექსპრესნიუსს“ სახელმწიფო სერვისების განვითარების სააგენტოდან აცნობეს, მეჯვრისხევის მცხოვრებლებს ნოტარიუსი კვირაში ერთხელ, სამშაბათობით ემსახურება, მუხაესტატეს მოსახლეობას - ხუთშაბათობით.

სანოტარო სერვისებით სარგებლობა სულ სამ საზოგადოებრივ ცენტრშია შესაძლებელი. გასულ კვირას ნოტარიუსმა საქმიანობა სოფელ ყვარელწყალში (ახმეტის რაიონი) არსებულ საზოგადოებრივ ცენტრში დაიწყო.

საზოგადოებრივ ცენტრებში მოქალაქეები ნებისმიერი სანოტარო სერვისით შეუფერხებლად სარგებლობენ.

საქართველოს იუსტიციის სამინისტროს ინიციატივით დაწყებული პროექტი - „ნოტარიუსი საქართველოს ყველა რაიონს“, მომავალშიც წარმატებით გაგრძელდება და სანოტარო მომსახურება საქართველოს ნებისმიერი რაიონისა და სოფლის მოსახლეობისთვის თანაბრად ხელმისაწვდომი იქნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოცნება მცირე მეღვინეობებისთვის წესებს შეცვლის და ხარისხის კონტროლს გაამკაცრებს

პაპუაშვილი აბასთუმნის ცის დაკეტვაზე - რადიკალური ოპოზიცია ცდილობს, არ დაუშვან სამეცნიერო პოტენციალის ათვისება

ვაჟა-ფშაველას გამზირზე საგზაო მოძრაობა დროებით შეიზღუდება

ეკონომიკის სამინისტრო - საჰაერო სივრცეში შემზღუდველი ზონის შემოღება ემსახურება სამეცნიერო ობსერვატორიის მიზნებს