ღარიბაშვილი: აჭარის უმაღლეს საბჭოში მიმდინარე მოვლენებზე ძალიან მკაცრი რეაგირება გვექნება

2015-02-21 14:01:39, 385 ნახვა

პოლიტიკა

აჭარის უმაღლეს საბჭოში მიმდინარე მოვლენებზე ძალიან მკაცრი რეაგირება გვექნება, - ამის შესახებ საქართველოს პრემიერ-მინისტრმა ირაკლი ღარიბაშვილმა ჟურნალისტებს განუცხადა.

პრემიერის თქმით, აჭარაში „ქართული ოცნების“ ყოფილი წევრების მიერ დაგეგმილ პროვოკაციას ჰქონდა ადგილი, თუმცა მისივე თქმით, სიტუაცია კონტროლის ქვეშ არის.

„რაც ხდება აჭარაში ეს ძალიან მარტივი ასახსნელია. ეს არის პირდაპირ, სამწუხაროდ ჩვენი გუნდის ყოფილი წევრების მიერ დაგეგმილი პროვოკაცია. ისინი გაურიგდნენ „ნაციონალური მოძრაობის“ წევრებს, მაგრამ რაც მთავარაია, არაფერი განსაკუთრებული არ მოხდება იქ, სიტუაცია არის კონტროლის ქვეშ. ის, რომ ორმა, სამმა დეპუტატმა მოღალატეობრივად დატოვა ჩვენი გუნდი და გაურიგდა „ნაციონალურ მოძრაობას“ ეს არის მათი არჩევანი, მაგრამ ჩვენ ამაზე გვექნება ძალიან მკაცრი რეაგირება“, - განაცხადა ირაკლი ღარიბაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან