ზურაბ აბაშიძე ვიცე-სპიკერის თანამდებობიდან გამოიწვიეს. უმრავლესობის გადაწყვეტილება პარლამენტის თავმჯდომარე დავით უსუფაშვილმა  სესიაზე გამოაცხადა.
რეგლამენტის მიხედვით, ვიცე-სპიკერის გადაყენებას კენჭისყრა არ სჭირდება. დავით უსუფაშვილმა ზურაბ აბაშიძეს  გაწეული საქმიანობისთვის მადლობა გადაუხადა.
"პარლამენტის რეგლამენტის 113-ე მუხლის მე-4 პუნქტის საფუძველზე, საპარლამენტო უმრავლესობის წარდგინებით არჩეული საქართველოს პარლამენტის თავმჯდომარის მოადგილე ზურაბ აბაშიძე ამ თანამდებობიდან გამოწვეულია. საქართველოს პარლამენტის რეგლამენტი ვიცე-სპიკერებთან დაკავშირებით ადგენს გარკვეულ პროცედურებს და განსაზღვრავს უფლებამოსილ პირებს, ზურაბ აბაშიძე უმრავლესობის წარდგინებით იყო არჩეული რეგლამენტის 113-ე მუხლის მე-4 პუნქტის შესაბამისად, წარმდგენ სუბიქეტს უფლება აქვს გამოიწვიოს წარდგენილი პირი ამ თანამდებობიდან. ასე რომ, გთხოვთ, პარლამენტმა ეს საკითხი მივიღოთ ცნობად და გაკეთდეს შესაბამისი საოქმო ჩანაწერი. მინდა ბატონო ზურაბ აბაშიძე ( ბატონო ზურაბ, არ იყავით უდისციპლინო დეპუტატი და ახლა ნუ გახდებით, აღარ გაქვთ პასუხისმგებლობა თავისუფლება იგრძენით) მინდა მადლობა მოგახსენოთ გაწეული საქმიანობისთვის თანამდებობაზე და გისურვოთ წარმატებები შემდგომში პარლამენტის წევრის სტატუსით",-განაცხადა დავით უსუფაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბაზისბანკი და BSTDB საქართველოში მცირე და საშუალო ბიზნესის და მწვანე ინვესტიციების მხარდასაჭერად პარტნიორობას აფართოებენ

ოცნებამ პირველი მოსმენით მიიღო ცვლილებები "გრანტების შესახებ" კანონში

ევროპარლამენტმა და ევროსაბჭომ შავი ზღვის წყალქვეშა კაბელის პროექტს ორმხრივი ინტერესის პროექტის (PMI) სტატუსი მიანიჭა

ოპოზიციური ალიანსი: გალში მცხოვრებ ქართველებს მშობლიურ ენაზე სწავლა ეკრძალებათ და „ოცნების“ პარტია მათ არ იცავს