ვალერიან ზუმბაძე ცილისმწამებლურ განცხადებების ავტორებს უჩივლებს

2015-02-09 21:46:59, 446 ნახვა

პოლიტიკა

თავდაცვის სამინისტროს გენერალური ინსპექციის უფროსის მოადგილე, ვალერიან ზუმბაძე თავს უდანაშაულოდ თვლის და მიიჩნევს, რომ მის წინააღმდეგ მიზანმიმართულად მიმდინარეობს ბინძური კამპანია. ამის შესახებ "ექსპრესნიუსს" თავდაცვის სამინისტროს საზოგადოებრივ საქმეთა დეპარტამენტიდან აცნობეს.

ზუმბაძის მტკიცებით, ცილისწამების კამპანიას საფუძველი არ გააჩნია და რეალობას მოკლებულია.

ამასთან, ვალერიან ზუმბაძე მზადაა, სამართლებრივი პროცედურების ფარგლებში პასუხი გასცეს ყველა კითხვას.იგი საკუთარი რეპუტაციის დასაცავად, ცილისმწამებლური განცხადებების ავტორების წინააღმდეგ, შესაბამის უწყებაში საჩივარს შეიტანს.

შეგახსენებთ, ზუმბაძესთან დაკავშირებით 2013 წლის ოქტომბერში, ყოფილი პოლიტპატიმარი ვახტანგ მაისაია აკეთებდა განცხადებას, რომ ვალერი ზუმბაძე კონტრდაზვერვის დეპარტამენტის საგამოძიებო სამსახურის უფროსი იყო. მაისაიას და სხვა პირების მტკიცებით, ე.წ. ფოტოგრაფების საქმეზე ჯაშუშობის ბრალდებით 2011 წლის 7 ივლისს სამი ფოტოგრაფი იქნა დაკავებული და ამ საქმეში სწორედ რომ ვალერიან ზუმბაძე ფიგურირებს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან