საქართველოს ფინანსთა მინისტრმა ნოდარ ხადურმა და მინისტრის მოადგილეებმა გიორგი თაბუაშვილმა და დავით ლეჟავამ პატივი მიაგეს პარიზში, „Charlie Hebdo“-ს რედაქციაზე განხორციელებული ტერაქტის შედეგად გარდაცვლილთა ხსოვნას.

ფინანსთა მინისტრმა  საფრანგეთის საელჩოში გახსნილ სამძიმრის წიგნში ჩანაწერი გააკეთა.

„ღრმა მწუხარებას გამოვთქვამ იმ უდიდესი ტრაგედიის გამო, რომელმაც შეძრა საფრანგეთი და მთლიანად ცივილიზებული სამყარო. „Charlie Hebdo“-ს რედაქციაზე განხორციელებული საზარელი ტერორისტული აქტი, რომელმაც უდანაშაულო ადამიანების სიცოცხლე შეიწირა, მიმართულია ჩვენი საერთო ღირებულებების - სიტყვისა და გამოხატვის თავისუფლების, დემოკრატიის წინააღმდეგ. ქვეყნისთვის ბოლო ათწლეულების მანძილზე ამ ყველზე მძიმე განსაცდელის წუთებში, თანაგრძნობას ვუცხადებ ტერაქტის შედეგად დაღუპული ჟურნალისტებისა და სამართალდამცავების ოჯახებს, საფრანგეთის მთავრობასა და ფრანგ ხალხს", - აღნიშნა ჩანაწერში ფინანსთა მინისტრმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დააკავეს არასრულწლოვანი, რომელმაც 32 წლის კაცს დანით მრავლობით ჭრილობები მიაყენა და ადგილიდან მიიმალა

საიტზე გამოქვეყნებული ჯარში გაწვევის უწყება ჩაბარებულად ჩაითვლება - უცხოეთში მყოფი წვევამდელი ვალდებული იქნება დაბრუნდეს

შსს 24-საათიანი პროტესტის უფლებას არ გვაძლევს – დიუშენით დაავადებული ბავშვების მშობლები

ტრამპი ირანს - გახსენით ორმუზის სრუტე, გიჟო ნაძირლებო, თორემ იცხოვრებთ ჯოჯოხეთში