საპარლამენტო უმრავლესობის წევრის გედევან ფოფხაძის შეფასებით, მთავრობის ახალ შემადგენლობას ნდობა დაჩქარებულ რეჟიმში უნდა გამოუცხადდეს, რადგან მიმდინარე საკითხები, რომლებსაც აღმასრულებელი ხელისუფლების წარმომადგენლები ახორციელებენ, არ დაზარალდეს.

„მიმაჩნია მთავრობას ნდობა დროზე უნდა გამოუცხადდეს და მას მიეცეს საშუალება საქმიანობა გააგრძელოს, რადგან ძალიან ბევრი მიმდინარე საკითხი იყო, რომელიც შესაძლოა დაზარალდეს იმის გამო, რომ ჩვენ რაღაც პროცედურები შევაყოვნოთ“,– განაცხადა გედევან ფოფხაძემ.

ცნობისთვის, მთავრობის ახალ შემადგენლობას დღეს, საკომიტეტო სხდომაზე მოუსმენენ. გუშინ, პარლამენტის თავჯდომარე დავით უსუფაშვილმა კი, პრეზიდენტს რიგგარეშე სხდომის მოწვევის თხოვნით მიმართა, სადაც მთავრობის ახალი შემადგენლობისთვის ხელახალი ნდობის გამოცხადების საკითხი უნდა გაიტანონ.

პრეზიდენტის მიერ თხოვნის დაკმაყოფილების შემთხვევაში, რიგგარეშე სხდომა ხვალ, 8 მაისს უნდა გაიმართოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-მ ამერიკული ხელოვნური ინტელექტის კოპირებისთვის ჩინეთისა და რუსეთის წინააღმდეგ სანქციების დაწესების განხილვა დაიწყო

აშშ-მ ირანისა და ირანის მხარდამჭერი გემების დევნა დაიწყო

ოცნება მცირე მეღვინეობებისთვის წესებს შეცვლის და ხარისხის კონტროლს გაამკაცრებს

პაპუაშვილი აბასთუმნის ცის დაკეტვაზე - რადიკალური ოპოზიცია ცდილობს, არ დაუშვან სამეცნიერო პოტენციალის ათვისება