საქართველოს პრემიერ-მინისტრმა გარემოსა და ბუნებრივი რესურსების დაცვის მინისტრის თანამდებობაზე გიგლა აგულაშვილის კანდიდატურა დაასახელა.

აგულაშვილმა ელჯგუა ხოკრიშვილი შეცვალა, რომელმაც რამდენიმე დღის წინ პრემიერ-მინისტრს გადადგომის თხოვნით მიმართა.

ღარიბაშვილმა იმედი გამოთქვა, რომ გიგლა აგულაშვილის საქმიანობა მინისტრის თანამდებობაზე ნაყოფიერი და წარმატებული იქნება.

„მას შემდეგ, რაც გადადგომის თხოვნით მომმართეს გარემოს დაცვის და სპორტის მინისტრებმა, მინისტრთა კაბინეტში ვაკანტური გახდა ორი თანამდებობა. ამან გამოიწვია მთავრობის განახლებული შემადგენლობის გაგზავნა ჯერ პრეზიდენტთან და შემდეგ პარლამენტში. მე გეტყვით, რომ გარემოს დაცვის მინისტრის თანამდებობაზე მე წარვადგენ ბატონ გიგლა აგულაშვილს, რომელსაც აქვს საპარლამენტო მუშაობის ძალიან კარგი გამოცდილება. როგორც მოგეხსენებათ იგი დღემდე პარლამენტის საგარეო საკითხთა კომიტეტის თავმჯდომარე იყო. ბატონი გიგლა არის პროფესიით იურისტი. პარლამენტში მისი მუშაობის სპეციფიკიდან გამომდინარე მას აქვს გარემოს დაცვით ორგანიზაციებთან მუშაობის დიდი გამოცდილება. იგი არის კარგი მენეჯერი. ამ მიმართლებით ბატონ გიგლას არაერთი მნიშვნელოვანი ღონისძიება ჩაუტარებია და ეს აისახებოდა მის საკანონმდებლო საქმიანობაშიც. ასე რომ მე იმედი მაქვს ბატონი გიგლას საქმიანობა მინისტრის თანამდებობაზე იქნება ნაყოფიერი და წარმატებული“, - განაცხადა ირაკლი ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოცნება მცირე მეღვინეობებისთვის წესებს შეცვლის და ხარისხის კონტროლს გაამკაცრებს

პაპუაშვილი აბასთუმნის ცის დაკეტვაზე - რადიკალური ოპოზიცია ცდილობს, არ დაუშვან სამეცნიერო პოტენციალის ათვისება

ვაჟა-ფშაველას გამზირზე საგზაო მოძრაობა დროებით შეიზღუდება

ეკონომიკის სამინისტრო - საჰაერო სივრცეში შემზღუდველი ზონის შემოღება ემსახურება სამეცნიერო ობსერვატორიის მიზნებს