დედაქალაქის საკრებულომ  31 ხმით არცერთის წინააღმდეგ თბილისის მერიას 10 მილიონი ლარის შემოწირულობის მისაღებად, რომელიც ფონდმა „ქართუმ“ გამოყო, თანხმობა მისცა.
სხდომა ურთიერთბრალდებების ფონზე მიმდინარეობდა.
საკრებულოს უმრავლესობის წევრმა ჯაბა სამუშიამ ფრაქცია „ნაციონალური მოძრაობის“ წევრებს მათ მმართველობის  პერიოდი გაახსენა  და განაცხადა, რომ  ევროპის ახალგაზრდული ოლიმპიური ფესტივალი „თბილისი 2015“ -თვის დამატებითი თანხის აღება საჭირო იმიტომ გახდა, რომ წინა ხელისუფლების დროს თანხები არამიზნობრივად იხარჯებოდა.
მან მაგალითად 2014 წელი მოიყვანა, როდესაც ოლიმპიადისთვის გამოყოფილი 23 მილიონი ლარი მხოლოდ სარეკონსტრუქციო და საორგანიზაციო საკითხებისთვის დაიხარჯა.
ამას უპასუხა სევდია უგრეხელიძემ, მან  ისაუბრა იმაზე  თუ როგორ მიმდინარეობდა ოლიმპიური ფესტივალისთვის მოსამზადებელი სამუშაოები.
უგრეხელიძემ განაცხადა, რომ 2012 წელს ირაკლი ღარიბაშვილმა მენეჯმენტი მთლიანად შეცვალა და „ნაციონალური მოძრაობის“  ბრალს  თანხმების არაორგანიზებულად დახარჯვის კუთხით ვერ ხედავდა, თუმცა მას სიტყვა არ დაასრულებინეს და მიკროფონი გამოურთეს.
 უგრეხელიძემ განაცხადა, რომ საკრებულოს თავმჯდომარემ  ამით რეგლამენტი დაარღვია.
ამის შემდეგ „ნაციონალური მოძრაობის“ წევრებმა საკრებულოს სხდომა პროტესტის ნიშნად დატოვეს, თუმცა საკრებულოს სხვა ოპოზიციური პარტიის წარმომადგენლებმა თანხმობა გამოთქვეს, რომ დედაქალის მერიამ  ოლიმპიადისთვის  შემოწირულობის სახით 10 მილიონი ლარი მიიღოს.
ცნობისთვის, ფონდი „ქართუს“ მიერ შემოწირულობის სახით გამოყოფილი 10 მილიონი ლარი ოლიმპიური სოფლის წყლით მომარაგებისა და მისასვლელი გზების კეთილმოწყობისთვის არის განკუთვნილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი