თავდაცვის მინისტრი მინდია ჯანელიძე ადასტურებს, რომ მან საფრანგეთში ირაკლი ალასანიას მისი მინისტრობის პერიოდში დაურეკა.

როგორც ჯანელიძემ პარლამენტში თავდაცვისა და უშიშროების კომიტეტზე განაცხადა, მან ალასანიას სთხოვა, რომ საჰაერო უსაფრთხოების შესახებ ხელშეკრულებაზე ხელმოწერა გადაევადებინათ.

 „კი ბატონო, დავურეკე იმ მიზეზის გამო, რომ გაგვევლო ის პროცედურები და შემდეგ მოგვეწერა ხელი“, - აღნიშნა ჯანელიძემ.

მინდია ჯანელიძემ დეპუტატებს მოუწოდა, ამ საკითხთან დაკავშირებით ხმამაღლა ნუ ისაუბრებენ, რადგან ის სახელმწიფო ინტერესებს შეიცავს.

მისივე თქმით, ამ თემის დეტალებზე ნდობის ჯგუფთან ისაუბრებს.

 „მემორანდუმი რამე ხელშეკრულების ხელმოწერას არ ითვალისწინებს. მინდა დავაზუსტო, რომ ეს საკითხი არის განხილული, მისი გარკვეული ნაწილი მოწონებული იყო, ნაწილი არა“, - აღნიშნა ჯანელიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა