ერაყის სპეცდანიშნულების რაზმები ქალაქ მოსულში შევიდნენ, - ამის შესახებ BBC იუწყება.

მედია საშუალების იფნრომაციით,  “ისლამური სახელმწიფოს” მებრძოლები ერაყის ძალებს აქტიურ წინააღმდეგობას უწევენ. ქალაქში შეტაკებები მიმდინარეობს.

ქალაქ მოსულში შესვლამდე, აშშ-ის ხელმძღვანელობით მოქმედმა საერთაშორისო კოალიციამ მოსულის მიმდებარე ტერიტორიაზე ექსტრემისტების პოზიციები დაბომბა.

ერაყის პრემიერ-მინისტრის განცხადებით, ქალაქ მოსულში 3 000-დან 5 000-მდე ჯარისკაცია შესული.

შეგახსენებთ, რომ ერაყის შეიარაღებულმა ძალებმა და ქურთ მებრძოლეთა რაზმებმა მოსულის "ისლამური სახელმწიფოსგან" გათავისუფლების ოპერაცია 17 ოქტომბერს დაიწყეს. მათ ჰაერიდან მხარდაჭერას საერთაშორისო კოალიციის ავიაცია უწევს.

ცნობისთვის, ტერორისტული დაჯგუფება "ისლამური სახელმწიფო" ერაყის სიდიდით მეორე ქალაქ მოსულს 2014 წლიდან აკონტროლებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ათობით დაჭრილი, კიევი, ხარკოვი, ოდესა და დნიპრო რუსი ოკუპანტების დაბომბვის ქვეშ მოექცნენ

ლენინგრადის გუბერნატორმა განაცხადა, რომ რეგიონი „ფრონტის ხაზად“ იქცა

მადიარმა ორბანის მიერ აშენებული არალიბერალური დემოკრატიის ნგრევა დაიწყო

ივანიშვილის პარლამენტმა „შრომითი მიგრაციის შესახებ" კანონში ცვლილება მიიღო